पोखराको पेवा फेवामा जलकुम्भीले राज गरेपछि फेवाको सुन्दरता हराउने चिन्ता बढ्यो (भिडियो)



प्रकाशित मिति : Sep 28, 2019

१. पोखराको पेवा फेवामा जलकुम्भीले राज गरेपछि फेवाको सुन्दरता हराउने चिन्ता बढ्यो

पोखराको पौरख हो फेवाताल । पोखरालाई सबैको पोखरा बनाउने हैसियत राख्ने ताल हो फेवाताल । तर यही फेवाताल कुरुप बन्दै गर्दा अब पोखराको आकर्षणमाथि नै प्रश्न चिन्ह लाग्न थालेको छ । जलकुम्भीले फेवातालको जलमा राज गर्दा फेवातालको सौन्द्धर्यमा नै ठूलो क्षति पु¥याउदै गएको छ ।

लमतन्न परेर सुतेको फेवातालमा जलकुम्भीले सिरक ओढे झै गरेर राज गरेपछि अब भने यसतर्फ पोखरा महानगरपालिकाको ध्यान पनि तानिएको छ । फेवातालमा जलकुम्भीको राज नौलो नभए पनि यो समस्याले बारम्बार पोखराप्रेमीहरुलाई नै झस्काउदै आएको छ । तर अब जलकुम्भीको जालो तोडेरै छोड्ने अठोट पोखरा महानगरपालिकाले लिए पनि यो चुनौती सहज भने छैन ।

२.अस्फाल्ट कंक्रिट प्रविधिको प्रयोगबाट पोखराका सडकहरुलाई चिल्ला र दीर्घजीवि बनाइदै

स्मार्ट बन्ने रहर गरिरहेको पोखराका लागि सडकको समस्या पनि सदैव चुनौती बन्दै आएको छ । तर अब पोखरा महानगरपालिकाले पोखराको सडकमा नयाँ तथा अत्याधुनिक प्रविधि प्रयोग गरेर पोखरावासीलाई खुसी पार्ने अभियानमा जुटेको छ ।

अस्फाल्ट कंक्रिट प्रविधिको प्रयोग गरेर पोखराका सडकहरुको व्यवस्थापन कार्य अघि बढाइएपनि अब भने पोखराको सडकले नयाँ रुप पाउने पक्का भएको छ । अस्फाल्ट प्रविधिबाट बनेको सडक ८ देखि १० वर्षसम्म टिक्ने हुनाले पनि कालोपत्रे गरेको २÷३ बर्षमा नै भत्किने नेपालको पुरानो शैलीबाट पोखराका सडकले अब मुक्ति पाउने भएका छन् ।

३. पोखराको राम मन्दिरमा भगवान राम र माता सीता साक्षात प्रकट हुने विश्वास

हिन्दू बहुल नागरिक भएको मुलुक भएकोले पनि नेपालका हरेक स्थानमा रहेका बिभिन्न देवीदेवताको मन्दिरले विशेष महत्व पाउने गरेका छन् । त्यसमाथि पनि दक्षिणको छिमेकी भारतबाट आउने पर्यटकहरुलाई पनि नेपालका बिभिन्न देवी देवताको मन्दिरले आकर्षित गराउदै आएको छ । यही मेसोमा पोखराको विरौटामा रहेको राम मन्दिरले पनि आम भक्तजन तथा तीर्थालुको ध्यान तान्दै आएको छ ।

चैतमा पर्ने रामनवमीमा भगवान राम र माता सीताको साक्षात स्वरुप प्रकट हुन्छ भन्ने आम विश्वासले पनि यो मन्दिरप्रति नेपाली र भारतीय तीर्थालु तथा भक्तजनको आकर्षण बढ्दो छ ।


प्रतिक्रिया दिनुहोस्

Copyright © 2018 All rights reserved by NBC.
Designed by appharu.com