३० श्रावण २०७६, बिहीबार

काठमाडाैं । आज जनैपूर्णिमा तथा रक्षा बन्धन, तागाधारी समुदायले मुलुकभर विशेष महत्वका साथ मनाउँदै छन् । प्रत्येक वर्षको श्रावण शुक्ल पूर्णिमाका अवसरमा जनैपूर्णिमा पर्व मनाउने प्रचलन रहिआएको छ । साथै आजै रक्षाबन्धन पनि विधिसाथ मनाइँदै छ ।

यस दिन सनातन वैदिक धर्मावलम्बीले पूरानो जनैको सट्टा नयाँ जनै लगाउने गर्दछन् भने आत्माको शुद्धीकरण र शरीरको रक्षाका लागि ब्राह्मण पुरोहितको हातबाट नाडीमा रक्षाबन्धन बाँध्ने प्रचलन समेत छ ।

यसै अवसरमा पशुपतिस्थित संस्कृत विद्या पिठमा रहेका बटुकहरुले समेत आज सामुहिक जनै लगाएका छन् । 

जनै पुर्णिमाका अवसरमा आइतबार काठमाडौको पशुपति, पाटको बंगलामुखिस्थित कुम्भेस्वरलगायतका मन्दिरमा मेला समेत लागेको छ ।

तस्वीर : रासस

प्रतिक्रिया दिनुहोस्
LIVE TV