१९ श्रावण २०७६, आईतवार

एजेन्सी । संयुक्त राज्य अमेरिकाको दुई छुट्टाछुट्टै स्थानमा २४ घण्टाको अन्तरालमा भएका आक्रमणमा मृत्यु हुनेको सङ्ख्या २९ पुगेको अमेरिकी अधिकारीले बताएका छन् । यसले अमेरिकामा बन्दूक हिंसालाई कसरी सामना गर्ने भन्ने प्रश्नलाई पुनः बहसमा ल्याएको छ ।

शनिबार राति एक बन्दूकधारीले टेक्सासको एल पासोस्थित वालमार्ट स्टोरमा चलाएको गोली लागी २० जना मारिएको १३ घण्टा नबित्दै ओहाओको डेटनमा एक रात्रिकालिन मदिरालयबाहिर आइतबार नेपाली समय अनुसार १०ः४५ बजे एक बन्दूकधारीले आक्रमण गर्दा नौ जनाको मृत्यु भएको हो । दुबै घटनाको अमेरिकी प्रहरीले पुष्टि गरेको छ ।

आक्रमणकारीको प्रहरीले गरेको सुरक्षा प्रतिरक्षाका क्रममा मृत्यु भएको छ । पछिल्लो घटनामा २६ जनाको मृत्यु भएको प्रहरीले बताएको छ ।

डेटनका नगर प्रमुख नान ह्वेलीले जनाएअनुसार आक्रमणकारीले शरीरमा कवच (ढाल) लगाएको र उच्च क्षमताको अत्याधुनिक बन्दूक बोकेको तथा थप बन्दूकहरू पनि साथमा लिएको भेटिएको छ ।
डेटनमा गोली चलेको एक मिनेटभित्र नै आक्रमणकारीमाथि सुरक्षा कारबाही भएकोले थप क्षति हुन पाएन, नगरप्रमुखले बताएका छन् ।

नगर प्रमुखका अनुसार डेटनमा आक्रमणकारीले गोली चलाएको क्षणभरमा नै प्रहरीले देखाएको शीघ्र प्रतिक्रिया प्रशंसनीय थियाे । यदि प्रहरीले समयमै सुरक्षा कारबाही नचलाएको भए आक्रमणकारीले सयौँको ज्यान लिने सम्भावना थियो ।

आइतबार भएको सामुहिक आक्रमण अमेरिकी इतिहासमा २५० औँ हो । तर बन्दूक हिंसा रेकर्डबारे कार्यरत एका गैरसरकारी संस्थाले उक्त आक्रमणलाई २५१ औँ सामुहिक आक्रमण हो । संस्थाले चार वा सोभन्दा बढी व्यक्तिको मृत्यु हुनेगरी भएको आक्रमणलाई सामुहिक आक्रमणका रूपमा उल्लेख गरेको छ ।

प्रतिक्रिया दिनुहोस्
LIVE TV