१३ माघ २०७५, आईतवार

काठमाडाैं । नेपाली कांग्रेसका भातृ संगठन नेपाल विद्यार्थी संघ (नेविसंघ)ले प्रधानमन्त्री केपी शर्मा ओलीको पुत्ला दहन गरेको छ । नेविसंघले आइतबार बिहान काठमाडौंको चाबहिलस्थित पशुपति क्याम्पस अगाडि नाराबाजी गर्दै प्रधानमन्त्री ओलीका पुत्ला दहन गरेका हुन् ।

Image may contain: 1 person, standing and fire

नेविसंघका अध्यक्ष नैनसिंह महराका अनुसार चिकित्सा शिक्षा विधेयक संसदबाट पास गरेको विरोधमा र सरकारको अधिनायकवादविरुद्ध प्रधानमन्त्री ओलीका पुत्ला दहन गरेका हुन् ।

नेविसंघले बलात्कारपछि हत्या गरिएकी बालिका निर्मला पन्तको हत्यारा पत्ता लगाउन र वाइडबडी खरिद प्रकरणमा भएको अनियमितताको छानबिन गर्न माग समेत गरेको छ ।

यसैगरी शनिबार प्रधानमन्त्री विश्व आर्थिक मञ्चको ४९औँ वार्षिक सभामा भाग लिएर स्वदेश फर्कदै गर्दा नेविसंघका विद्यार्थीहरुले त्रिभुवन विमानस्थलको आन्तरिक उडानको पार्किङमा नाराबाजी गर्दै कालो झण्डा देखाएका थिए ।

प्रतिक्रिया दिनुहोस्
LIVE TV