२४ पुष २०७५, मंगलवार

काठमाडाैं । नेपालको एकमात्र अन्तर्राट्रिय विमानस्थल त्रिभुवन अन्तराष्ट्रिय विमानस्थल करिव दुई घण्टा अवरुद्ध भएको दुई घण्टा पछि सन्चालनमा आएको छ । सञ्चार उपकरणमा समस्या आएपछि मंगलवार बिहान विमानस्थलको उडान करीब दुई घण्टा प्रभावित भएको थियो ।

विमानस्थलको सञ्चार प्रणाली भिडियो हाई फ्रिक्वेन्सी भिएचएफमा समस्या आएपछि उडानमा समस्या अएको विमानस्थलका महाप्रबन्धक राजकुमार क्षेत्रीले बताउनुभयो ।

उहाँका अनुसार बिहान करीब ९ बजे विमानस्थलको सञ्चार उपकरणमा लाइन सर्ट भएपछि भिएचएफमा समस्या आएको थियो । लगत्तै विमानस्थलका प्राविधिकले मर्मत गरेका थिए । प्राविधिक मर्मतपछि बिहान ११ बजेदेखि नियमित उडान भइरहेको महाप्रबन्धक क्षेत्रीको भनाइ छ ।

“सञ्चार प्रणालीमा लाइन सर्ट भएपछि समस्या आएको हो । टावर ठीकै थियो । हाम्रा इञ्जिनीयरले मर्मत गरेपछि सेवा सञ्चालन भएको छ । एक घण्टा ४० मिनेट जति मात्र उडान रोकियो । अवतरणमा आन्तरिक र अन्तर्राष्ट्रिय दुवैमा समस्या थिएन”, उहाँले भन्नुभयो ।



प्रतिक्रिया दिनुहोस्
LIVE TV