१० पुष २०७५, मंगलवार

काठमाडौं । गणेशमान सिंह फाउन्डेनसको आयोजनामा हुने वीर गणेशमान सिंह स्मृति राष्ट्रिय खुला बक्सिङ प्रतियोगिताका लागि प्रदेश ३ बाट खेलाडी छनोट पूरा भएको छ । आ–आफ्नो स्पर्धामा पहिलो भएका खेलाडी राष्ट्रिय प्रतियोगितालाई छनोट भए ।

लैनचौरस्थित राष्ट्रिय टेबलटेनिस प्रशिक्षण केन्द्रमा भएको छनोटको पुरुष ४९ केजीमा काठमाडौंका मदनकृष्ण डंगोल पहिलो भए । उनले मकवानपुरका अनन्त ओझालाई पराजित गरे । ५२ केजीमा काठमाडौंका मिङमार ग्याल्जेन शेर्पाले फाइनलमा चितवनका ओम परियानलाई हराए ।

पुरुष ५६ केजीमा काठमाडौंका आदित्य कर्माचार्यले मकवानपुरका सुचितध्वज कार्की, ६० केजीमा काठमाडौंका सनिल शाहीले धादिङका अभिषेक राई, ६९ केजीमा काठमाडौंका अनिश डंगोलले नुवाकोटका सरियान्स प्रजापति, ७५ केजीमा चितवनका दिवशलाल भूमीले रामेछापका प्रिनस खड्का तथा ८१ केजीमा ललितपुरका सौजन थापाले चितवनका अमर शेर्पालाई फाइनलमा पाखा लगाउदै शीर्ष स्थान हात पारे ।

महिला ४८ केजीमा सुष्मा तामाङले भक्तपुरकी अस्गिता दुवाल तथा ५१ केजीमा रोसनी राईले भक्तपुरकी सुष्मा खड्कालाई फाइनलमा निराश पादैं छनोट भए । ५४ केजीमा शिवानी श्रेष्ठ, ५७ केजीमा कुसुम तामाङ र ६४ केजीमा अम्बिका विक छानिए । छनोट भएका पाँचै खेलाडी काठमाडौंका हुन् ।

यससंगै ३ वटा प्रदेशमा छनोट सम्पन्न भएको छ । यसअघि प्रदेश १ र २ मा छनोट भएको थियो । राष्ट्रिय प्रतियोगिता माघ २२ गतेदेखि राजधानीमा सुरु हुँदैछ । विजेतालाई राष्ट्रिय खेलकुद परिषद् (राखेप) का कोषाध्यक्ष शैलेश कर्माचार्य, राखेपका सदस्य अर्जुनबहादुर केसी, राष्ट्रिय प्रतियोगिताको मुल आयोजक समितिका संयोजक राजीव श्रेष्ठ, नेपाल बक्सिङ संघका अध्यक्ष राम अवालेलगायतले एक कार्यक्रमबीच प्रमाण पत्र प्रदान गरे ।

पपुल्स र नेरिक फाइनलमा

पिपुल्स एकेडेमी र नेरिक दोश्रो एन प्याब्सन स्पोर्ट्स मिटअन्तर्गत सिनियर ब्वाइज बास्केटबलमा मंगलबार फाइनलमा प्रवेश गरेका छन् ।

चावहिलको सरस्वतीनगरस्थित एपेक्स लाइफ स्कुलको कोर्टमा भएको सेमिफाइनलमा पिपुल्सले माउन्ट कैलाशलाई ४०–२८ ले पराजित ग¥यो । पिपुल्सको जितमा संकेत केसीले १६ अंक योगदान गरे । राजन खत्रीको २० अंक सहयोगमा नेरिकले युनिभर्सललाई ५४–३६ ले हरायो ।

जुनियर ब्वाइज बास्केटबलमा ग्रिनफिल्डले फाइनलमा स्थान सुरक्षित ग¥यो । ग्रिनफिल्डले पिपुल्सलाई ३२–२३ ले पाखा लगाउदै नेरिकसंग उपाधि भिडन्त पक्का ग¥यो । ग्रिनफिल्डका महेश दाहालले १८ स्कोर गरे । सोमबार भएको पहिलो सेमिफाइनलमा नेरिकले कान्तिपुर इङलिस स्कुललाई २५–१२ ले पन्छ्याउदै फाइनलमा स्थान सुरक्षित गरिसकेको छ ।

फाइनल बुधबार हुनेछ । स्पोर्ट्स मिटअन्तर्गत यसअघि टेबलटेनिस, ब्वाइज क्रिकेट र ब्वाइज फुटसल सम्पन्न भइसकेको छ ।

प्रतिक्रिया दिनुहोस्

LIVE TV