२२ मंसिर २०७५, शनिबार
  • अमर काफ्ले,

इनरुवा । जनताको भरासा र आशाको केन्द्रका रुपमा हेरिएको ओली सरकार संक्रमणकालीन अवस्थाबाट गुज्रदा त्यसको प्रभाव प्रदेशमा समेत देखा परेको एक नम्बर प्रदेशका सामाजिक बिकास मन्त्री जिवन घिमिरेले बताएका छन् ।

संक्रमणकालीन अवस्थाबाट पार पाउन नसक्दा नयाँ नीति र नियम तर्जुमा गरी कार्यान्वयनमा ल्याउन कठिनाई भएको बताउँदै मंत्री घिमिरेले प्रदेश सरकारले जनताको चाहना बमोजिमको आशातित कार्य सम्पादन गर्न नसकेको बताएका छन् ।

सुनसरीको इनरुवामा आयोजित औपचारिक कार्यक्रमलाई सम्बोधन गर्दै मन्त्री घिमिरेले अवस्था सदैव एउटै प्रकृतिको नरहने भन्दै ओली सरकारले केही गरेन भनेर अत्तालिहाल्नु पर्ने अवस्था नरहेको बताए ।

उनले भने “विश्वास गर्नोस – ओली सरकार दौडन्छ” । ५ वर्षमा मुलुकको समृद्धि र बिकासमा कायापलट गर्ने सार्मथ्य बोकेको वर्तमान सरकार जनताको मन जित्न सफल हुने छ ।

इनरुवा – ५ बलाहामा रहेको नवयुग एकेडेमी प्रालिको ११ औं वार्षिक साधारण सभामा सम्बोधनको क्रममा घिमिरेले पुरानो ढाँचा र संरचनालाई परिवर्तन गर्दै नयाँ ऐनमा परिमार्जित गरेर कामकाजलाई तिव्रता दिनेगरी प्रदेश सरकार लागिपरेको समेत बताए ।

साधारणमा सभामा मंत्री घिमिरेले एसईई तर्फ एकेडेमीबाट उत्कृष्ठ ठहरिएका नेपाल टपरहरु शंकरबाबु आचार्य र उजज्वलराज घिमिरेलाई सम्मान गरेका थिए ।

LIVE TV