२३ भाद्र २०७५, शनिबार

काठमडौं । नेपाली सेनाले सेवा निवृत्तिको क्रममा रहेका प्रधानसेनापति राजेन्द्र क्षत्रीको सम्मानमा इज्जत अर्पण कवाज प्रस्तुत गरेको छ ।

सैनिक मञ्च टुँडिखेलामा शुक्रबार साँझ आयोजित समारोहमा प्रधानसेपति क्षत्रीले उक्त इज्जत अर्पण कवाजको निरीक्षण समेत गरेका छन् । क्षत्रीको सम्मानमा आयोजना गरिएको कवाज प्रदर्शनीमा शार्दुलजङ्ग गुल्म, राजदल गण, गोरखबहादुर गण, जगदल गण, गोरखकाली गण, क्याभलरी र सैनिक ब्याण्ड सैनिक टोलीहरुको सहभागी रहेको थियो।

उक्त समारोहमा अवसरमा राष्ट्रिय गीतका धुनका साथै नेपालको विभिन्न भू भागका रहन सहन र भेषभूषा झल्कने गीत र नृत्यहरु पनि प्रस्तुत गरियो ।

प्रधानसेनापति क्षत्री शनिबारदेखि सेवा निवृत्त हुनेछ । प्रधानसेनापति क्षत्री र उनकी धर्मपत्नीलाई सैनिक मञ्च टुँडिखेलबाट सैनिक मुख्यालयभित्र रहेको सभामण्डपसम्म बग्गीमा राखेर लगिएको थियो ।

सेवा निवृत्त हुन लागेका प्रधानसेनापतिको औपचारिक बिदाइ सैनिक मञ्च टुँडिखेलबाट हुने चलन नेपाली सेनाले यो वर्षबाट शुरु गरेको हो । यसअघि सैनिक मुख्यायलभित्र बिदाइ कार्यक्रम गर्ने चलन थियो ।

सैनिक मञ्चको कार्यक्रममा कामु प्रधानसेनापति पूर्णचन्द्र थापा, पूर्व सेनापति, सुरक्षा निकायका उच्च पदस्थ अधिकृतहरु पनि सहभागी रहेका थिए।

प्रतिक्रिया दिनुहोस्
LIVE TV