२१ बैशाख २०७५, शुक्रबार

काठमाडौं । सिन्डिकेट अन्त्यको निर्णयबाट पछि नहट्ने गृहमन्त्रालय र यातायातमन्त्री दुबैले बताएका छन् ।

यातायात यातायात समितिका पदाधिकारीहरुको सम्पत्ति छानविन गर्न सरकारले सुरु गरेको छ । यसका साथै यातायत समितिहरुको बैंक खाता रोक्का गर्ने निर्णयसमेत गरेको छ ।

गृहमन्त्री रामबहादुर थापा बादलको नेतृत्वमा शुक्रबार बसेको बैठकले यातायात समिति तथा महासंघका पदाधिकारीहरुको सम्पत्ति छानबिन अघि बढाउने निर्णय गरेको हो ।

यसका लागि यातायात व्यवस्था विभागले देशभरका जिल्ला प्रशासन कार्यालयले समिति पदाधिकारीहरुको विवरण लिएर सम्पत्ति शुद्धीकरण विभागलाई उपलब्ध गराउनेछ ।

गृहमन्त्रालयले जनाएअनुसार बैठकले सार्वजनिक यातायात सञ्चालन नगर्ने यातायात महासंघ र समितिहरुको बैक खाता रोक्का गर्ने निर्णय गरेको छ, भने खाता रोक्का लागि विभागले अर्थ मन्त्रालयमार्फत राष्ट्र बैंकलाई लेखि पठाउने छ ।

बैठकले यातायात सेवा सञ्चालन गर्न व्यवसायीहरुलाई आग्रह गरेको छ । साथै विमा लगायतका केही जायज माग सम्बोधन गर्न सरकार तयार रहेको पनि बताईएको ।

LIVE TV