१८ बैशाख २०७५, मंगलवार

कञ्चनपुरको सीमानामा पुगेकै छैनन् सरकारी अधिकारी, भारतीय सञ्चार माध्याद्वारा भारतको सीमाना मिचेको भन्दै गलत प्रचार

कञ्चनपुर । भारतीय प्रहरी सिमा सुरक्षा बल एसएसबीले कञ्चनपुर पुर्नवासका नेपाली माथि ज्यादती गरेको बिषयमा छानबिन गर्न काम भईरहको सरकारी अधिकारीहरुले दाबी पनि एसएसबीले अझै पनि त्यो स्थान आफ्नै कब्जामा राखेको स्थानियहरु बताउँछन् ।

पुर्नवास नगरपालिकाका मेयर जीवनराज थापाका अनुसार सरकारी अधिकारीहरुले अहिलेसम्म विवादीत क्षेत्रमा पुगेका छैनन् ।
यस्तै पुर्नवास–९ का वडा अध्यक्ष नारायण जैशीले अन्तराष्ट्रिय मुल्य र मान्यतमा मिचेर भारतीय सिमा सुरक्षा बलले पटक पटक ज्यादती गर्दा पनि नेपाली पक्षले प्रतिकार गर्न नसकेको गुनासो गरका छन् ।

साथै अहिले विवादीत क्षेत्रमा दुई देशका विशिष्ट अधिकारी बाहेक पत्रकारहरुलाई समेत उक्त क्षेत्रमा निषेध गरिएको छ । तर कञ्चनपुरका प्रमुख जिल्ला अधिकारी कुमार बहादुर खड्काले हाम्रो गत कार्यक्रममा नै समस्या समाधान भैसकेको बताएका थिए ।

गत बैैशाख १३ मा भारतीय प्रहरी एसएसबीका उच्चपदस्थ कर्मचारीको उपस्थितिमा नेपाली भूमिको तारबार उखेलिएको भिडियो सामाजिक सञ्जालमा भाइरल भएको थियो ।

भिडियोले सबै बोलिरहे पनि केन्द्रिय सरकार र प्रदेश सरकार भने मौन छन् । उता भारतीय सञ्चार माध्यहरु भने नेपालले भारतको सीमाना मिचेको भन्दै गलत प्रचार गरिरहेका छन् ।

सहयोगको नाममा सामुदायिक विद्यालयको लुट

काठमाडौं । शैक्षिक गुणस्तर सुधार गर्न भन्दै सरकारले हरेक वर्ष वार्षिक बजेटको ठुलो हिस्सा शिक्षाका लागि खर्च गर्छ । तर सरकारको लगानी रहेका केही सामुदायिक बिद्यालय बाहेक अधिकांशको शैक्षिक अवस्था दयनिय छ । शिक्षा नियमावलीमा सरकारी नियम अनुसार सामुदायिक बिद्यालयमा भर्ना भएका बिद्यार्थीलाई पुर्ण निःशुल्क अध्ययन गराउनु पर्छ ।

तर पछिल्ला दिनहरुमा केही सामुदायिक बिद्यालयहरुले नीजि बिद्यालय सरहनै बिद्यार्थीबाट शुल्क असुली रहेका छन् । बिद्यालयले नीजि बिद्यालयको जस्तै बिल नै बनाएर सहयोग, कम्युटर शिक्षा, ट्युशन कक्षा, कम्युटर कक्षा लगाएतका नाममा राखेर शुल्क असुलि गरिरहेका छन् ।

काठमाडौं उपत्यकाका मानसिंह धर्म उच्च माध्यमिक बिद्यालय, तिलिङटार माध्यामिक बिद्यालय, ग्राम शिक्षा मन्दिर माध्यामिक बिद्यालयले यसै गरी शुल्क उठाइरहेका छन् ।

मानसिंह धर्म उच्च माध्यमिक बिद्यालय ट्युशन शुल्क भनेर प्रति महिना प्रति बिद्यार्थी २ सयका दरले पैसा उठाइरहेको छ ।

तिलिङटार माविले सहयोगका नाममा १४ सयका दरले पैसा लिएको छ । सामुदायिक बिद्यालयमा इच्छुक व्यक्तिले सहयोगका रुपमा लिन पाइने व्यवस्था भएपनि सम्पुर्ण बिद्यार्थीलाई अनिवार्य भने गर्न पाइने छैन ।

यस्तै ग्राम शिक्षा मन्दिर माध्यामिक बिद्यालय विविध फारम शुल्क भनेर १२ सय ५० रुपैयाँ लिइरहेको छ । उपत्यकाका तीन बिद्यालयको अवस्था देशभरका अधिकांश सामुदायिक बिद्यालयको प्रतिनीधि घटना हुन् ।

सामुदायिक बिद्यालयमा शिक्षकलाई जागिर खुवाउनै समस्या भएको तीतो यर्थाथ भएपनि बिद्यार्थीबाट अनेक शिर्षक देखाएर शुल्क लिनु गैर कानुनी हो ।

कर्मचारीका कारण नेपाल टेलिकमको सेवा र गुणस्तर खस्किदो

काठमाडौं । नेपाल टेलिकमको सेवा र गुणस्तर खँस्किदो अवस्थामा छ । नीजि क्षेत्रबाट आएका अन्य दुरसञ्चार कम्पनीहरुले दिने सेवा र नेपाल टेलिकमले दिने सेवासुविधामा धेरै भिन्नता छ ।

टेलिकमले बिस्तार गरेको ल्याण्ड लाईन फोन, जिएसएम तथा एडीएसएल इन्टरनेट गतिले सर्वसाधारण आजित छन् । कुनै दिन एडीएसलको एकछत्र राज चलिरहेको अवस्थामा अहिले अन्य नीजि इन्टरनेट सेवाप्रदायक कम्पनीले उच्च गति र गुणस्तरको सुविधा दिइरहेका छन् तर एडीएसएसल अदोगतिमा छ ।

सरकारी कार्यालय समय बाहेक अन्य समय टेलिकमको ग्राहक सेवा छैन । टेलिकमले देशका विभिन्न शहरमा ४ जीको रटना ल्याईरहँदा धेरै ग्रामिण भेगमा नेपाल टेलिकमको सामान्य नेटवर्क पुगेको छैन । उस्तै सुस्त इन्टरनेट गतिमा अझ चर्को मुल्यका डाटा प्याकहरु ग्राहक मैत्री छैनन् ।

त्यसमाथि नेपाल टेलिकमका कर्मचारीको कार्यशैली नै शंकास्पद छ । टेलिकमकै कर्मचारी बेला बेलामा अन्य नीजि कम्पनीहरुसँग मिलेर टेलिकमको सेवा कम्जोर बनाउन लाग्ने गरेको आरोप लाग्दै आएको छ ।

यस्तै समस्याहरुकै कारण प्रधानमन्त्री केपी शर्मा ओलीले नेपाल टेलिकमको टायर फेर्नेकी ईन्जिन फेर्ने भन्दै व्याङ्ग्य गरेका छन् । शुक्रबार सिंहदरबारमा नेपाल टेलिकमको प्रगती विवरण बुझ्दै प्रधानमन्त्री ओलीले टेलिकमका तल्लो तहदेखि माथील्लो तहसम्मका कर्मचारी समस्या रहेकोले तत्काल व्यवस्थीत गर्न निर्देशन दिएका थिए ।

यति मात्रै होइन अप्टीकल फाइबर बिछ्याउँने काम समेत शंकास्पद रहेको भन्दै थप अध्ययन गर्नुपर्ने बताएका छन् । नेपाल टेलिकमको यहि अवस्था भए भारतमा सरकारको स्वामित्वमा रहेको दुरसंचारकै जस्तो अवस्थामा पुग्ने सक्ने देखिन्छ ।

LIVE TV