१७ बैशाख २०७५, सोमबार

काठमाडौं । मधेसकेन्द्रित दल राष्ट्रिय जनता पार्टी (राजपा) नेपाल र संघीय समाजवादी फोरम नेपालले सरकारलार्इ दिएकाे समर्थन फिर्ता लिने चेतावनी दिएका छन् । आफूहरूको मागप्रति सरकार गम्भिर नभएको आरोप लागाउँदै उनीहरूले सरकारलाई दिएको समर्थन फिर्ता लिने चेतावनी दिएका हुन्।

संविधान संशोधन, मधेश आन्दोलनका क्रममा लगाइएका झूठा मुद्दा फिर्ता, पीडित परिवारलाई क्षतिपूर्तिलगायतका माग यी दलले राख्दै अाएकाछन् । अाफ्ना माग सरकारले पूरा नगरे समर्थन फिर्ता लिने चेतावनी दिएकाे खबर अाजकाे राजधानी दैनिकमा छापिएकाे छ ।

राजपा नेपालका सहअध्यक्ष लक्ष्मणलाल कर्णले आफूहरुको माग सम्बोधन नभए सरकारलाई दिएको समर्थन फिर्ता लिने चेतावनी दिए। ‘एमाले र माओवादी केन्द्र सम्मिलित वाम गठबन्धनले प्रदेश २ मा मधेशवादी गठबन्धनको सरकारलाई समर्थन दिनुका सार्थ संविधान संशोधन, मधेश आन्दोलनका झूठा मुद्दा फिर्ता, पीडित परिवारलाई क्षतिपूर्तिलगायतका माग सम्बोधन गर्न आश्वासन दिएको थियो, सोही कारणले मधेशवादी दलले समेत वाम गठबन्धनको समर्थन गरेको हो,’ सहअध्यक्ष कर्णले भने, तर माग पूरा गर्न सरकार गम्भिर भएन भने हामी सरकारलाई दिएको समर्थन फिर्ता लिन बाध्य हुनेछौं।’

LIVE TV