व्यवसायी पौडेलको हत्यामा संलग्न थप ३ जना पक्राउ



प्रकाशित मिति : Jan 21, 2018

काठमाडौं । रुपन्देहीको देवदहका व्यवसायी वसन्त पौडेल बलु को हत्यामा संलग्न ३ जनालाई प्रहरीले पक्राउ गरेको छ । गत २१ पुसमा फर्निचर व्यवासायी पौडेलको गोली हानी हत्या गरिएको थियो ।

पक्राउ परेकाहरुलाई आइबार दिउँसो ४ बजे पत्रकार सम्मेलन गरेर सार्वजनिक गरिने पाडैल हत्याको अनुसन्धानमा संलग्न केन्द्रीय अनुसन्धान ब्यूरो सीआइबीका एसपी घनश्याम अर्यालले बताए ।

घटनामा मनोज पुन समूहकै संलग्नता रहेको प्रहरीले पुष्टि गरेको छ । यसअघि घटना लगत्तै पुनले स्थानीय सञ्चारकर्मीहरुलाई फोन गरेर आफूले पौडेलको हत्या गरेको दाबी गरेका थिए ।

पौडेलको टाउकोमा गोली लागेको थियो । यसअघि गत वर्ष पौडेलका साथी ४० वर्षीय पौडेल दुर्गा तिवारीको पनि गोली हानी हत्या गरिएको थियो ।


प्रतिक्रिया दिनुहोस्

Copyright © 2018 All rights reserved by NBC.
Designed by appharu.com