१४ पुष २०७४, शुक्रबार

एजेन्सी । अपरेसन गर्दागर्दै २ जना डाक्टर झगडा गर्न थालेपछी भर्खर जन्मेको शिशुको मृत्यु भएको छ । भारतको राजस्थानको जोधपुरको उमेद अस्पतालमा उक्त घटना भएको हो ।

डाक्टर त्यतिबेला झगडा गरे जब अपरेशन थिएटरमा एक महिला प्रसव पीडापछि भर्ना भएकी थिइन् । अपरेशन चलिरहेकै बेला डाक्टर एक आपसमा झगडा गरिरहेका थिए । यसबारे त्यतिबेला पर्दाफास भयो जब एक भिडियो सोसल मिडियामा भाइरल भयो ।
भिडियोमा दुई डाक्टर झगडा गरिरहेका थिए र अन्यले उनीहरुलाई शान्त गर्ने कोसिस गरिरहेका थिए । साथै, स्ट्रेचरमा एक महिला देखिएकी छिन् ।भिडियो भाइरल हुने बित्तिकै अस्पतालले तुरुन्त एक्सन लियो । संवाददाता सम्मेलन बोलाएर दोषी डाक्टरविरुद्ध कारवाहीको विश्वास दिइयो ।

अस्पतालका मेडिकल अध्यक्ष डा। रंजनाले भने यो ‘भिडियो उमेद अस्पतालको नै हो र घटना मंगलबारको हो ।’लडाईंका बेला अपरेशन थिएटरमा जुन महिलाको डेलिभरी भइरहेको थियो, पछि उनको बच्चाको निधन भयो ।यद्यपी, अस्पतालले यो खबरलाई खारेज गरिरहेको छ । डा। रंजनाले भनिन्, ‘शल्यक्रिया भइरहेको महिलाको बच्चाको मृत्यु भएको खबर झुटो हो । ती महिलाले छोरीलाई जन्म दिएकी छिन् । आमा र बच्चा दुबै स्वस्थ छन् ।’

तीन सदस्यको अनुसन्धान टोलीले तीन दिनमा आफ्नो रिपोर्ट सुम्पिनेछन् । भिडियो अस्पतालको कुनै कर्मचारीले बनाएका हुन् तर उनी को हुन्, त्यसबारे अहिलेसम्म पत्ता लागेको छैन ।डा। रञ्जनाले दुबै डाक्टरको पहिचान डा। अशोक ननिवाल र डा। मथुरा लाल टाकको रुपमा गरेकी छिन् ।

उनका अनुसार दुबै डाक्टरलाई अस्पतालबाट अहिलेका लागि कार्यमुक्त गरिएको र आन्तरिक अनुसन्धान सुरु गरिएको उनले जानकारी दिइन् ।भिडियो कसले बनायो र कसरी लिक भयो भनी अनुसन्धान गर्न अस्पतालका अन्य कर्मचारीको पनि बयान लिइँदै छ ।

 

भिडियो हेर्नुहोस

प्रतिक्रिया दिनुहोस्

LIVE TV