१४ पुष २०७४, शुक्रबार

काठमाडौं । खाद्य प्रविधि तथा गुण नियन्त्रण विभागले गरेको नमुना परीक्षण अनुसार बजारमा उपलव्ध खाद्य तथा पेय पदार्थमध्ये दूध र पानी सबैभन्दा दुषित पाइएको छ।

पहिलो चौमासिक अवधिमा विभागले खाद्य तथा पेय पदार्थको ९०३ नमुना संकलन गरेकोमा ११५ नमुनाहरु प्रतिकूल पाइएको छ। प्रतिकूलमध्येमा सबैभन्दा बढी प्रशोधित पिउने पानी र दूधमा देखिएको विभागले जनाएको छ।

प्रशोधित पिउने पानीमा ३८ नमुना र दूधमा २० नमुना प्रतिकुल पाइएको विभागका प्रवक्ता पूर्णचन्द्र वस्तीले जानकारी दिए। उनका अनुसार खाद्यान्न तथा दलहनको १८ नमुना, तेल तथा घिउको ९ नमुना प्रतिकुल पाइएको छ।

सेवन गर्न अयोग्य नमुनाहरु भेटिएपछि विभागले सरकारी संस्थान डिडिसीसहित विभिन्न उत्पादक तथा बिक्रेता कम्पनीविरुद्ध सम्वन्धित जिल्ला प्रशासन कार्यालयमा ५० वटा मुद्दा दायर गरेको छ। नमुना परीक्षणमा दूध र पानी बढी प्रतिकुल देखिए पनि विभागले तेलजन्य पदार्थमा सबैभन्दा बढी १३ मुद्दा दायर गरेको छ।

प्रतिक्रिया दिनुहोस्

LIVE TV