बर्दिया जिल्लाको बढैयाताल गाउँपालिकालाई निकृष्ट बालश्रममुक्त गाउँपालिका घोषणा

ज्योति कुमार पन्थी

सरकारले आगामी २०२० सम्ममा नेपाललाई नै बालश्रम मुक्त देश घोषणा गर्न प्रतिवद्धता जनाएपछि अहिले बर्दिया जिल्लामा पनि बालश्रम मुक्त घोषणा अभियान शुरु भएको छ । बर्दिया जिल्लाको ६ नगरपालिका र २ गाउँपालिका मध्ये पहिलो पटक बढैयाताल गाउँपालिकालाई पहिलो पटक निकृष्ट बालश्रममुक्त गाउँपालिका घोषणा गरिएको हो ।

बर्दिया जिल्लाको बढैयाताल गाउँ पालिकालालाई शुक्रबार एक कार्यक्रमकाबीच निकृष्ट बालश्रम मुक्त गाउँपालिका घोषणा गरिएको हो । बढैयाताल गाउँपालिकालाई बालश्रममुक्त गाउँपालिका घोषणा गर्नका लागि तीन बर्ष पहिला देखि प्लान नेपालको आर्थिक सहयोग र राधाकृष्ण थारुजनसेवा केन्द्रले बिभिन्न प्रकारका कार्यक्रमहरु सञ्चालन गर्दे आई रहेका थिए । बर्दिया जिल्लामा रहेका बिभिन्न प्रकारका निकृष्ट प्रकारका बालश्रम हटाउन अभिभावक शिक्षा देखि विविध प्रकारका कार्यक्रम सञ्चालन गरि बालश्रम मुक्त गाउँपालिका घोषणा गरिएको युवा महिला समुहका अध्यक्ष सजना थारुले जानकारी दिइन ।

बर्दिया जिल्लालाई नै सन २०२० सम्ममा बालश्रम मुक्त जिल्ला घोषणा गर्नका लागि बिगत तीन बर्ष देखि नै बिभिन्न क्षेत्रमा राधाकृष्ण थारु केन्द्रले कामगर्दे आई रहेका छन् । बालबालिकाका अभिभावकलाई बिभिन्न किसिमका रोजगारमुलक कामहरु गर्न लगाई श्रममा सम्लग्न बालबालिकालाई उद्धार गरी पहिलो पटक बालश्रममुक्त गाउँपालिका घोषणा गरिएको राधाकृष्ण थारु जनसेवा केन्द्र बर्दियाका अध्यक्ष दिनेश श्रेष्ठको भनाई छ ।

राधाकृष्ण थारु जनसेवा केन्द्रलले बर्दिया जिल्लामा २०७२ सालमा गरेको बिस्तृत सर्वेक्षणमा जिल्ला भित्र र बाहिर गरि कुल ६ सय ९२ जना बालबालिकाहरु घरेलु श्रम, यातायात, होटल, पसल लगायका क्षेत्रमा काम गर्दे आएकोमा हालसम्म ४ सय ४६ जना बालश्रमिक आफनो घर फिर्ता भई सकेका छन । बाँकी १ सय ११ जना अहिले पनि मौसमी रुपमा काममा जाने गरेका छन । बर्दिया जिल्लाको बढैयाताल गाउँपालिकामा निकृष्ट प्रकारको बालश्रमिक नभएका कारण बालश्रम मुक्त गाउँपालिका घोषणा गरिएको महिला तथा बालबालिका कार्यालय बर्दियाका प्रमुख गिरा बस्नेतको भनाई छ ।

बर्दिया जिल्लामा घरधुरी सर्वेक्षण अहिले पनि ७९ जना बालश्रमिक रहेको देखिन्छ । कार्यक्रममा बर्दिया क्षेत्र नं.१ का एमाले उमेद्धवार बामदेव गौतम र नेपाली काग्रेसका उमेद्धवार सञ्जयकुमार गौतमले आफु निर्वाचित भए बालश्रम न्युनीकरणका लागि आफुहरुले पहल गर्ने बताए ।