भ्रष्टाचार र अनियमितताको खानी मानिएको वैदेशिक रोजगार विभागका कर्मचारीको कालो कर्तुतको पर्दाफास

युवराज कँडेल 

धन देखेपछि महादेवको पनि तीन नेत्र भने झै छ नेपालका बिभिन्न सरकारी निकायका कर्मचारीहरुलाई । अघिपछि केही नसोची क्वाप्प खान पाए पुग्छ भन्ने सोंच राखेका कर्मचारीहरुको कर्तुतको कारण देश त ठगियो ठगियो जनताले पनि नपाउनुको दुःख पाउँदै आएका छन् । भ्रष्टाचार र अनियमितताको स्वर्ग मानिने वैदेशिक रोजगार विभागमा पटक-पटक अनियमितताको प्रकरणहरु सार्वजनिक हुँदै आएपनि कुनै सुधार नआइरहेको अवस्थामा यसपटक अख्तियार दुरुपयोग अनुसन्धान आयोग प्रहरी महाशाखाले ठूलै माछा पक्रन सफल भएको छ ।
वैदेशिक रोजगारीमा  सयौँ   नेपाली दिनहुँ ठगिन्छन् ।

विदेशी भूमिमा आकर्षक तलब सुविधा देखाएर लाखौँ कुम्ल्याउने अनि फरार हुने दलालहरुको प्रवृति जस्तै बनिसकेको छ । साथै बग्रेल्ती खुलेका मेनपावरहरुले लाखौँ रुपयाँै लिएर विदेश पठाएपनि भने जस्तो काम,दाम र सुविधा नपाएपछि गुनासो गर्न जानेको भनेको वैदेशिक रोजगार विभाग नै हो । तर पछिल्लो संयम विभागबाट न्याय पाउने सर्वसाधारण भन्दा घुसकाण्डमा पक्राउ पर्ने  कर्मचारीको संख्या धेरै छ । २०७२ साल देखि अहिले सम्म वैेदशिक रोजगार विभागमा ६ अधिकृत घुस लिदैँ गर्दा रङ्गे हात पक्राउ परको छन् । अख्तियारको पटक पटकको अप्रेशनबाट विभागका लेखा अधिकृत,कानुन अधिकृत,शाखा अधिकृत तथा नायव सुब्बापक्राउ परेका छन् । तर मंगलबार मेनपावरको मुद्वा मिलाउने वहानमा भएको घुस काण्डमा प्रत्यक्ष विभागका महानिर्देशक विश्वराज पाण्डेकै संलग्नता देखिएको अख्तियारले जनाएको छ ।

यस अघि २०७३ असोज १७ गते विभागका शाखा अधिकृत रमेश लामिछाने मेनपावरकै मुद्वा मिलाइ दिने भन्दै  १० लाख घुस सहित कार्यालयबाटै पक्राउ परेका थिए । यस्तै २०७२ साल फागुन २७ गते वैदेशिक रोजगारीको ठगीको मुद्वा मिलाइदिने भन्दै मेनपावरसँग १ लाख घुस लिदैँ गर्दा विभागका कानुन अधिकृत उत्तमप्रसाद खरेल कार्यालयमै पक्राउ परेका थिए । विभागमै २०७३  बैशाख ५ गते मेनपावरले राखेको धरौटी रकम फिर्ता दिन १० हजार घुस लिदँै गर्दा लेखा अधिकृत  प्रकाश आचार्य पक्राउ परेका थिए । २०७४ कार्तिक २८ गते मेनवापर सुचारु गर्न सर्वोच्च अदालतबाट आदेश  भैसके पनि विभागका कर्मचारीले १५ लाख मागे थिए । तर १० लाखमा कुरा मिलेपछि मंगलबार बानेश्वर स्थित इन्द«ेणी  फुडल्याण्डमा घुस लिदैँ गर्दा शखा अधिकृत कृतिवल्भ पौडेल र नायव सुब्बा खड्ग केसी रङ्गे हात पक्राउ परेका थिए । पौडेल र केसीको बयानबाट विभागका महानिर्देशक विश्वराज पाण्डे प्रत्यक्ष संलग्नता देखीएपनि उनी पनि उम्कन सकेनन् । महानिर्देशक पक्राउ परेको यो पहिलो घटना हो ।

यसरी श्रृङखलाबद्व वैदेशिक रोजगार विभागका अधिकृत देखि निर्देशक नै घुस सहित समातिनुले सर्वसाधारणको लागि विभागको उपयोगिता माथिनै प्रश्न खडा भएको छ । न्यूज २४ ले रोजगार विभाग र तिनका कर्मचारीमाथि राखेको निरन्तर निगरानीले पनि कर्मचारीहरुको कर्तुत बारम्बार सार्वजनिक हुँदै आएको छ ।

 २०७२ साल यता वैेदशिक रोजगार विभागका ६ अधिकृत घुस लिदै गर्दा पक्राउ :

. पक्राउ पर्नेमा अधिकांश लेखा अधिकृत, कानुन अधिकृत, शाखा अधिकृत तथा नायव सुब्बा

. २०७३ असोज १७ गते शाखा अधिकृत रमेश लामिछाने मुद्वा मिलाइ दिने भन्दै  १० लाख घुस सहित पक्राउ

. २०७२ साल फागुन २७ गते ठगीको मुद्वा मिलाइदिने भन्दै म्यानपावरसँग १ लाख घुस लिदैँ गदा कानुन अधिकृत उत्तमप्रसाद खरेल पक्राउ

. २०७३  बैशाख ५ गते म्यानपावरले राखेको धरौटी रकम फिर्ता दिन १० हजार घुस लिदँै गर्दा लेखा अधिकृत  प्रकाश आचार्य पक्राउ

. २०७४ कार्तिक २८ गते मेनवापर सुचारु गर्न सर्वोच्च अदालतबाट आदेश  भैसके पनि विभागका कर्मचारीले १५ लाख मागेपछि अख्तियारको सहयोगमा पक्राउ

. बानेश्वर स्थित एक रेष्टुरेण्टमा घुस लिदैँ गर्दा शाखा अधिकृत कृतिवल्भ पौडेल र नायव सुब्बा खड्ग केसी पक्राउ

. महानिर्देशक विश्वराज पाण्डे प्रत्यक्ष संलग्नता देखीएपछि चावहिलबाट बुधवार पक्राउ