१९ कार्तिक २०७४, आईतवार

एजेन्सी । चर्चित कमेडियन कपिल शर्माले आफ्नी प्रेमिका गिन्नी चतरथसँगको विवाह छिट्टै घोषणा गर्ने तयारीमा रहेको बताइएको छ। एक अंग्रेजी वेवसाइटका अनुसार प्रेमिकाका बाबुआमाले उनीहरूको सम्बन्धलाई जतिसक्दो चाँडो औपचारिक्ता दिन दबाव दिएकाले सो घोषणा हुनसक्ने जनाइएको छ।

साथै कपिलकी आमासमेत छोराको विवाह छिट्टै होस भन्ने पक्षमा रहेकी छन्। पारिवारमा यस्तो दबाब भएपनि गिन्नी भने कपिलले आफ्ना सारा कामसकेपछि मात्र लगनगाँठो कस्ने मुडमा रहेकी बताईएको छ । विवाहका लागि गिन्नीका केहि सर्तहरु पनि राखेकी छन्।

गिन्नीले कपिलले विवाह अगाडी रक्सी खान छोड्नुपर्ने शर्त राखेकी छन्। मिडिया रिपोर्टका अनुसार कपिलले रक्सी पिउन छोडेका छन्। अत्याधिक रक्सी सेवनका कारण कपिलको आफ्ना सहकर्मी कलाकार सुनिल ग्रोभरसँग प्लेनमै हात हालाहाल भएको थियो।

उनै कपिलको फिल्म ‘फिरंगी’ रिलिजका क्रममा रहेको छ।

प्रतिक्रिया दिनुहोस्
LIVE TV