१२ कार्तिक २०७४, आईतवार

साना, यमन, ११ कात्तिक ,  संयुक्त राष्ट्रसंघ मानवीय सहायता प्रमुखले यमनमा द्वन्द्वका कारण मानवीय सङ्कट भयावह बनेको बताउनु भएको छ ।

राष्ट्रसंघ मानवीय सहायता प्रमुख मार्क लोककले शनिबार आफ्नो पाँच दिन लामो भ्रमणपछि यमनी द्वन्द्वले उक्त मुलुकमा पारेको प्रभावबारे बोल्दै भन्नुभयो, “अरब मुलक यमनमा जतिसक्दो छिट्टै राजनैतिक प्रक्रिया मार्फत द्वन्द्वको अन्त्य गर्नुपर्छ ।”

लोककले भन्नुभयो, “म यमनमा रहँदा यहाँको विग्रँदो हैजाको माहामारी लगायतका मानवीय सङ्कटलाई नजिकबाट बुझ्नसके जस्तो लागेको छ ।” यमनको जस्तो हैजाको माहामारी विश्वले कहिल्यै पनि देखेको वा भोगेको नभएको उहाँको भनाइ थियो ।

सानाबाट छुट्ने क्रममा भएको सञ्चारकर्मीसँगको भेटमा उहाँले भन्नुभयो, “यमनमा मानव सिर्जित द्वन्द्वले यहाँको जनजीवनमा विकराल प्रभाव पारेको र यो देख्दा मलाई अत्यास लाग्यो । ”

यमनको द्वन्द्व समाधानका लागि सम्बन्धित सवै पक्षसँग आग्रह गर्दै लोककले भन्नुभयो, “कैँदीबन्दी हुन् वा सञ्चारकर्मी सवैको यथासम्भव कानूनी मर्यादा अनुसार सम्मान गर्दै अन्तर्राष्ट्रिय मानवीय सहायता कानूनको प्रत्याभूत गर्न र मानव अधिकारको सम्मान गर्न आआफ्नो ठाउँबाट पहल जरुरी छ ।”
–––

प्रतिक्रिया दिनुहोस्
LIVE TV