७ कार्तिक २०७४, मंगलवार

जाकार्ता । इन्डोनेसियामा मङ्गलबार ६.७ म्याग्निच्युडको भूकम्प गएको मौसम तथा भूगर्भ विज्ञान विभागले जनाएको छ। विभागले भूकम्पपछि सुनामी आउने सम्भावना भने नदेखिएको जनाएको छ।

स्थानीय समय अनुसार बेलुका ५ः४७ बजे गएको भूकम्पको केन्द्रविन्दु इन्डोनेसियाको फ्लोर्स टिमुरबाट १०६ किलोमिटर टाढा पूर्वी नुसा टेङ्गुरा प्रान्तमा सामुद्रिक क्षेत्रमा ५६९ किलोमिटर गहिराइमा रहेको विभागका प्रमुख कियान पुर्मासिन्कीले बताए।

भूकम्पको केन्द्रविन्दु समुद्रको निकै गहिराईमा रहेकोले यसबाट सुनामीको खतरा हुने सम्भावना नदेखिएको,उनले सिन्ह्वा न्युज एजेन्सीलाई टेलिफोनमार्फत बताए।

प्रतिक्रिया दिनुहोस्
LIVE TV