७ जना जुवाडेहरू पक्राउ

म्याग्दी ।  बेनीबजारमा शनिबार  ७ जना जुवाडेहरू  खेलिरहेको ठाउबाट पक्राउ परेका छन् । बेनी पिपलचोकस्थित एक होटेलबाट जुवा खेलिरहेको अवस्थामा ७ जनालाई पक्राउ गरिएको जिल्ला प्रहरी कार्यालय म्याग्दीले बताए ।

जुवातासमा संलग्न भएकालाई जुवा ऐन अन्तर्गत कारवाही प्रक्रिया अगाडि बढाइने  प्रहरीले जानकारी दिए ।  चाडपर्व  र  अन्य समयमा समेत जुवातास खेलाउने ठाउँको सुराकीको आधारमा प्रहरीले निगरानी बढाइरहेको  बताएका छन्  ।