१६ चैत्र २०७३, बुधबार

काठमाडौं । मुलुकका विभिन्न स्थानमा पत्रकार÷सञ्चारकर्मी माथि हुने धम्की, दुव्र्यवहार, कुटपिट तथा प्रेसमाथि हुने आक्रमण रोक्नुपर्नेमा सञ्चार क्षेत्रका अगुवाहरूले जोड दिएका छन् ।


नेपाल पत्रकार महासङ्को ६२ औँ स्थापना दिवसको अवसरमा यहाँ आज आयोजित ‘शुभकामना आदान–प्रदान तथा चियापान’ कार्यक्रममा सञ्चार क्षेत्रका अगुवा तथा विज्ञहरूले अनलाइन सञ्चार माध्यमलाई सङ्कुचित गर्ने नियतले सरकारले अनलाइन निर्देशिका ल्याएको भन्दै खारेज गर्न मागसमेत गरेका छन् ।

महासङ्घका अध्यक्ष डा महेन्द्र विष्टले सुझाव कार्यदलले निर्देशिकामाथि पटकपटक सुझाव दिँदासमेत त्यसलाई बेवास्ता गर्दै सरकारले अनलाइन माध्यमलाई सङ्कुचित गर्नुका साथै स्वतन्त्र प्रेसलाई नियन्त्रण गर्ने नियतले निर्देशिका ल्याएको आरोप लगाए ।

अध्यक्ष डा विष्टले न्यूनतम् पारिश्रमिक कार्यान्वयन गर्न सबै सञ्चार गृहसँग अपिल गरे । पत्रकार महासङ्घ गैरराजनीतिक संस्था भएको हुँदा महासङ्घको निर्वाचनलाई निर्वाचन आयोग नेपालले रोक्न नमिल्ने उनको तर्फ छ ।

नेकपा ९एमाले० का नेता तथा महासङ्घका पूर्वमहासचिव रघुजी पन्त र महासङ्घका पूर्वअध्यक्ष होमनाथ दाहालले परिवर्तित सन्दर्भमा आमसञ्चार माध्यमले संयमित र अनुशासित ढङ्गबाट समाचार प्रकाशन÷प्रसारण गर्नुपर्ने धारणा राखे ।

प्रसासकीय अदालतका अध्यक्ष काशीराज दाहाल, नेपाल बार एसोसियसनका अध्यक्ष शेरबहादुर केसीलगायतले महासङ्घलाई शुभकामना दिए । २००८ सालमा नेपाल पत्रकार सङ्घको रूपमा स्थापना भएर २०१२ सालमा महासङ्घमा रुपान्तरित भएको हो ।

LIVE TV