२७ श्रावण २०७३, बिहीबार

एउटा नेपाली परिवार अमेरिकामा बन्दुक उन्मादको शिकारले उजाडिन पुगेको छ । गत वर्ष बन्दुक उन्मादले ग्रस्त एक अश्वेत अमेरिकन युवाले हानेकोे गोली लागेर आफ्नै स्टोरमा प्राण त्यागेकी समिरा शिवाकोटीका पति नवराज शिवाकोटीले आइतबार त्यही पीडा भुल्न नसकेर आत्महत्याको बाटो समेत रोज्न पुगेका छन् ।

1470872423_10868141_957330237630130_173727051838960615_n
दुई वर्ष र साँढे तीन वर्षका दुई छोरीको मायाले पनि नवराजलाई बाँच्न प्रेरित गर्न सकेन । टेक्सससँगै सीमा जोडिएको ओक्लाहोमामा पुगेर नवराजले आत्महत्या गर्न पुगे । उनको आत्महत्यासँगै नेपालको दोलखाबाट ठूलो सपना बोकेर अमेरिका आइपुगेको शिबाकोटी परिवार पुरै उजाडिएको छ ।
अहिले आएर अमेरिकामै जन्मिएका दुई साना नानीहरुलाई आमा–बाबुले छाडेपछि उनीहरुको लालनपालन र सुन्दर भविष्यका जिम्मेदारी नवराजका दाजु विष्णुको काँधमा आइलागेको छ । ड्यालसको ‘हग्स फनरल हाउस’ मा गरिएको अन्तेष्टीमा दुई साना नानीहरुलाई देखेर आँखाबाट आँशु नचुहाउने कोही नेपाली भएनन् । नवराजका दाजु विष्णुले आफ्नो भाईको निधनको कारणबारे अन्तेष्टीका लागि उपस्थित नेपाली समुदायलाई जानकारी गराउँदै गर्दा नवराजकी जेठी छोरी ठूलो बुबाको अघिल्तिर रोष्ट्रममा झुम्मिएकी थिइन् ।
उनीहरुको परिवारमा गत वर्षको जुन १० तारिकमा ठूलो ग्रहण लाग्यो । डेन्टनको ‘दी कोलोनी’ मा आफ्नै ग्याँस स्टेसनमा ग्राहक बनेर आएका एक अश्वेत युवकले गोली हानेर समिराको हत्या गरेका थिए ।
अपराधीको क्षणभरको उन्मादमा परेर गत वर्षमात्र आमा गुमाएकी ती अवोध अनि निर्दोष बालिकाले जन्मदिने बाबुलाई आइतबारबाट गुमाएका छन् । हुनतः ठूलोबाबु विष्णुले ती दुई अवोध बालिकाको लालनपालनमा कुनै कमजोरी गर्नेछैनन् । बाआमाको अभावको महसुस हुन दिनेछैनन् । उनले भाईका दुई छोरीहरुलाई कुनै अभाव र कमि कमजोरी हुन नदिएर आफ्नै सरह गरेर पाल्ने बताएका छन् । विष्णुले दुई छोरीको पालन पोषणमा कुनै कमीकमजोरी हुन नदिनेमा नेपाली समुदाय विश्वस्त छन् ।
अहिले ती अबोध बालीकाहरुले जस्ले जन्म दियो ती दुबैजनालाई सानै उमेर (जान्ने बुझ्नै नहुँदै) गुमाउनुपरेको छ । सन् २००४ मा नवराजको परिवार अमेरिका आएको थियो । उनीभन्दा अघि सन् १९९६ मा विष्णु अमेरिका आएका थिए । अमेरिकामा सुखद् सपना सँगालेर आएका शिवाकोटी परिवार खण्डित हुन पुगेको छ । गत वर्ष समिराको असामयीक निधन, अझै उल्लेख गर्नुपर्दा आपराधीको हातबाट जीवन गुमाएपछि शोकाकुल बनेको नेपाली समुदाय नवराजको निधनले थप शोकाकुल भएको छ ।
नवराजका मातापिता, दाजुभाउजु अमेरिकामै छन् । ग्याँस स्टेसन चलाएर सुखद् पारिबारिक वातावरणमा रमाइरहेका उनी गत वर्ष पत्नी गुमाउनुपरेपछि मानसिक रुपमा असाध्यै दुखित थिए ।

१४ महिनासम्म पनि उनले आफूलाई सम्हाल्न सकेनन् । पछिल्लो समयमा डेन्टन अदालतमा मुद्धाको अन्तिम सुनुवाई भइरहेको थियो । यही मुद्धाले गर्दा पनि उनले सन् २०१५ जुन १० को त्यो कालोदिनलाई भुल्न सकेनन् । दाइ बिष्णुका अनुसार नवराजले आफूलाई सम्हाल्न सकेनन् । ओक्लाहोमामा घाइते अवस्थामा भेटिएका नवराजलाई एम्बुलेन्सबाट प्लानो हस्पिटलमा ल्याएर उपचार गरिएको थियो । तर असाध्यै कठिन अवस्थामा रहेकाले संसारभरकै स्रोत साधन र दक्ष चिकित्सकको उपलव्धताका बीच पनि उनले मंगलबार प्राण त्यागे ।

LIVE TV