१५ श्रावण २०७३, शनिबार

राष्ट्रसङ्घीय सुरक्षा परिषद्ले दक्षिणी सुडानस्थित शान्ति बहाली आयोग ९युएनएमआइएसएस०लाई अगस्ट १२ सम्म त्यहाँ सक्रिय रहन समादेश जारी गरेको छ ।


युनएनएमआइएसएसको कार्यकाल ३१ जुलाईसम्म मात्र तोकिएको थियो । दक्षिणी सुडानमा आन्तरिक युद्धलगातार चर्किरहेको कारण १५ सदस्यीय सुरक्षा परिषद्ले त्यहाँ शान्ति सुव्यवस्था कायम होस भन्ने उद्देश्यले छोटो अवधिका लागि शान्ति बहाली आयोगको समय थप गर्न स्वीकार गरेको हो ।

जुलाई महिनाको सुरुदेखि नै सरकार र विद्रोहीपक्षका सेनाबीच आन्तरिक द्वन्द्व चर्किनाले दक्षिण सुडानको राजधानी जुबामा मात्र ३३ जना निर्दोष नागकिरसहित २७२ को मृत्यु भएको छ ।

आन्तरिक द्वन्द्वको शिलशिलामा युएनएमआइएसएसउपर आक्रमण हुँदा दुईजना चिनियाँ शान्तिदूत पनि मारिएका थिए ।

राष्ट्रसङ्घीय सुरक्षा परिषद्को बैठकले युएनएमआईएसएसलाई शान्ति बहालीकार्य सम्पन्न गर्न सबै प्रकारका उपाय अपनाउन थप आवश्यक अधिकारसमेत दिएको छ ।

बीस वर्षभन्दा बढी गृहयुद्ध चलेपश्चात् सुडान मूल भूमिबाट टुक्रिई ९ जुलाई २०११ देखि दक्षिण सुडानले स्वतन्त्रता हासिल गरेको थियो ।

दक्षिणी सुडानमा राष्ट्रपति साल्भा किइर उपराष्ट्रपति रिक मचारका बीच तीब्र मतभेद उत्पन्न भई मचारलई राष्ट्रपति किइरले सैनिक कुको प्रयास गरेको भन्ने आरोप लगाएपछि हिंसा हत्याको लामो शृङ्खला सुरु भएको थियो । रासस÷सिन्ह्वा

LIVE TV