२८ असार २०७३, मंगलवार

टर्कीको इस्तानबुल विमानस्थलमा आतंककारी सँगठन आईएसआईले गराएको विस्फोटमा बालबाल जोगिएका थिए, त्रिभुवन अन्तराष्ट्रिय विमानस्थल टिआईए सुरक्षा गार्ड प्रमुख डिआईजी गोविन्द निरौला । विस्फोट हुनु पाँच मिनेट अघि मात्र डिआईजी निरौला सवार जहाज इस्तानबुलबाट उडेको थियो । पाकिस्तान, माल्दिभ्स र भारतका युवा भर्ती भएर आईएसका लडाकु बनेका तथ्य सार्वजनिक भइरहेका छन् । केही दिनअघि दक्षिण एशियाली मुलुक ढाकामा २० जनाको ज्यान जाने गरि गराएको बम विस्फोटले आतंककारीहरु नजिकै आईपुगेको संकेत गर्छ । के नेपाल र यहाँको अन्तर्राष्ट्रिय विमानस्थल सुरक्षित छ त ?
युरोप, अमेरिकालगायत क्षेत्रलाई अत्याएका आतंकवादी संगठनहरू आईएस र अलकायदाले बंगलादेशबाट भारत हुँदै चीनलाई आफ्नो निशाना बनाउँदै छन् । सिरिया र इराकबाट सुरु भएको आईएसको प्रभाव दक्षिण एसियाली मुलुक अफगानिस्तान, पाकिस्तान, माल्दिभ्स, श्रीलंका, बंगलादेश र भारतमा आईसकेको छ । मकैको घानमा घुस मिसिए झैँ कतै नेपाल पिसिने त होइन ? यो संवेदनशिल प्रश्न बनेको छ । आतंकवादी आक्रमणको सूचना नभए पनि जोखिम बढ्दै गएको प्रहरीको विश्लेषण छ । सम्भावित चुनौती सामना र नियन्त्रणका लागि सुरक्षा निकायले उच्च सुरक्षा सर्तकता अपनाएका छन् ।
विमानस्थल प्रहरीसँगै आतंकवाद हेर्ने नेपाल प्रहरीको विशेष ब्युरोसँगै सशस्त्र र राष्ट्रिय अनुसन्धान विभागका जनशक्ति खटिएका छन् । विशेष कार्यदलमा टोली परिचालन हुन थालेको छ । बंगलादेशमा आईएसको सशक्त उपस्थिति हुनु, भारतमा सक्रिय सदस्य देखिनु र आईएस चिनियाँ मुस्लिम युवातिर केन्द्रित हुँदा नेपालमा पनि जोखिम बढेको विश्लेषण हुन थालेको छ । अहिलेसम्म कहिँ कतैबाट आतकंकारीहरुको साँठगाँठ वा नेपालसम्बन्धी कुनै योजना खुलेको छैन तर ट्रान्जिटको रुपमा विमानस्थल र सेल्टरको रुपमा नेपाल प्रयोग हुन सक्ने आशंका गरिएको  छ । अमेरिकाको स्टेट डिपार्टमेन्टले गत जुन २ मा सार्वजनिक गरेको प्रतिआतंकवादसम्बन्धी रिपोर्टमा ‘नेपाल–भारतको खुला सीमा र अन्तर्राष्ट्रिय विमानस्थलको कमजोर सुरक्षा प्रणालीका कारण नेपाललाई अन्तर्रा्ष्ट्रिय आतंकवादी समूहले ट्रान्जिट प्वाइन्टको रूपमा प्रयोग गर्ने खतरा रहेको उल्लेख गरेको त्यसै पक्कै होइन

LIVE TV