पूर्व राजा शाहलाई पूर्वाञ्चलमा पञ्चेवाजा सहित भब्य स्वागत

पूर्व राजा ज्ञानेन्द्र शाहले पूर्वाञ्चलको सुनसरी सदरमुकाम इनरुवामा रहेको माँ वैष्णोदेवी भगवती मन्दिरको दर्शन गर्नुभएको छ ।

पूर्वराजा शाहले बुधवार अपरान्ह उक्त मन्दिरको दर्शन गर्नुभएको हो । पूर्व राजा आउने खवरले निकै उत्साहित भएका सर्वसाधारणले शाहको स्वागत भब्यताका साथ गरेका छन् ।

विभिन्न जातजातिका भेषभुषामा सजिएका सर्वसाधारणले पञ्चेवाजा सहित पूर्वराजाको स्वागत गरे  ।

संसदमै राज संस्थाको पुनस्थापनाको वहस चलिरहँदा सुनसरीमा राजा हेर्न सयौँ सर्वसाधारणको भीड लागेको थियो ।

पूर्व राजा शाहले मन्दिर परिसरमा पुगेर पूजा अर्चना गरिरहँदा हजारौको संख्यामा रहेका समर्थकहरुले पूर्व राजा र राजसंस्थाको पक्षमा नाराबाजी गरेका थिए ।

मन्दिरको दर्शनको सकेर समर्थकहरुसगै उहाँले इनरुवाको मुख्य बजारको करिब डेढ किलोमिटर  पैदलयात्रा समेत गरेका थिए ।

पूर्वराजा शाह बजार परिक्रमा गर्दा सुरक्षाकर्मीहरुलाई भिड व्यवस्थापन गर्ने निकै नै मुस्किल परेको थियो ।