११ जेष्ठ २०७३, मंगलवार

akhitar

काठमाडौँ, अख्तियार दुरुपयोग अनुसन्धान आयोगले सरकारी स्रोतबाट प्राप्त भएको रकम हिनामिना गरेको अभियोगमा रौतहटको एक विद्यालयका प्रधानाध्यापक र शिक्षकविरुद्ध विशेष अदालतमा मुद्दा दायर गरेको छ ।

आयोगका अनुसार जिल्लाको रामनरेश लक्ष्मण माध्यमिक विद्यालय हजमनियाका प्रधानाध्यापक नगनारायण सिंह र खाता सञ्चालक शिक्षक कौशलकिशोर प्रसादले विभिन्न आर्थिक वर्षका विद्यालयको भौतिक पूर्वाधार मर्मत तथा निर्माणका लागि प्राप्त भएको रु ६ लाख ६८ हजार १८० बदनियतपूर्वक हिनामिना गरेको पाइएको छ ।

सरकारी स्रोतबाट प्राप्त भएको रकम व्यक्तिगत प्रयोजनका लागि खर्च गरेर दुरुपयोग गरेको अभियोगमा बिगो असुलउपर गरी हदैसम्मको कारबाहीको माग गर्दै आज मुद्दा दायर गरिएको आयोगले विज्ञप्तिमार्फत जानकारी गराएको छ । रासस

 

LIVE TV