७ जेष्ठ २०७३, शुक्रबार

मधेश आन्दोलन र नाकाबन्दीका कारण थलिएको मुलुककै प्रमुख औद्योगिक एंव आर्थिक नगरी वीरगनञ्ज फेरि पुरानै लयमा फर्कन थालेको छ ।

मधेसी दलले गरेको ६ महिने आन्दोलन र नाकाबन्दीको केन्द्रविन्दु वीरगन्ज नै बनेको थियो । आन्दोलन र नाकाबन्दीका कारण सबै भन्दा बढी वीरगन्जको उद्योग व्यपार र वीरगन्ज भन्सार कार्यालय मारमा परेका थिए। आजको अन्नपूर्णमा समाचार छ ।

माघ २२ गते नाकाबन्दी खुलेसंगै आन्दोलन पनि शीथिल भएपछि यहाको उद्योग व्यपार फेरि बिस्तारै पुरानो अवस्थामा फर्किन थालेका छन्। वैशाखको पहिलो साता देखि वीरगन्ज भन्सार कार्यालयको राजश्व असुलीमा पनि निकै सुधार आएको छ।

birjung

माघ २२ गतेदेखि नाकाबन्दी खुलेपछि दैनिक १५ करोडको औसतमा राजश्व संकलन गर्दै आएको भन्सार कार्यालयले वैशाखको पहिलो साता देखि भने दैनिक ३० करोड भन्दा माथि नै राजश्व संकलन गर्दै आएको छ ।

मधेस आन्दोलन र नाकाबन्दी भन्दा पहिले भन्सार कार्यालयको दैनिक राजश्व असुली दर ३० देखि ३२ करोड थियो, भन्सार कार्यालयका निमित्त प्रमुख लोकराज पन्तले भने ,’ वैशाख पहिलो साता देखि भने फेरि पहिलेकै हाराहारीमा राजश्व उठिरहेको छ ।

पन्तका अनुसार वैशाख ५ गते देखि भन्सार कार्यालयको राजश्वमा संकलनमा सुधार आएको हो। भन्सार कार्यालयले अहिले दैनिक ३० देखि ३२ करोड रुपैया राजश्व संकलन गरिरहहेको कार्यालयका निमित्त प्रमुख लोकराज पन्तले बताए।

वैशाख ५ गते ३३ करोड ४४ लाख ८३ हजार नौ सय ६३ रुपैया राजश्व संकलन भएको पन्तले बताए। त्यपछिका हरेक दिन औसत ३० करोडको हाराहारीमा राजश्व उठेको पन्तले जानकारी दिए।

 

LIVE TV