१८ बैशाख २०७३, शनिबार

रसुवा, समुद्री सतहदेखि १४ हजार १०० फिको उचाइमा रहेको धार्मिक–पौराणिक क्षेत्र गोसाइँकुण्डको संरक्षण गर्न गृहकार्य सुरु भएको छ ।

gosaikunda
बर्सेनि हजारौँ भक्तजन पुग्ने गोसाइँकुण्ड रामसार सूचीमा सूचीकृत भइसकेको छ । यस क्षेत्रको संरक्षण गर्न गुरुयोजना अन्तर्गत पाँचवर्षीय व्यवस्थापन कार्यक्रम योजना तयार भएको प्रमुख संरक्षण अधिकृत हरिभद्र आचार्यले बताउनुभयो ।

दिगो विकास अभियान केन्द्रद्वारा तयार गराइएको पाँचवर्षीय गुरुयोजना अन्तर्गत गोसाइँकुण्ड मेला र त्यहाँ उत्पन्न हुने फोहोर व्यवस्थापन, वैकल्पिक ऊर्जा, भूकम्पपछिको पुनःनिर्माण र जडीबुटी अध्ययन अनुसन्धान जस्ता विविध योजना तर्जुमा गरिएको संरक्षण विशेषज्ञ सौरभ श्रेष्ठले जानकारी दिनुभयो ।

गोसाइँकुण्ड स्थलगत व्यवस्थापन योजनाले वनस्पति जैविक विविधता संरक्षणमा थप टेवा पुगी धार्मिक एवम् पर्यटकीय क्षेत्रको सुन्दरता बढाउन मद्दत पुग्ने बताउँदै नागरिक समाजका अध्यक्ष बाबुलाल तामाङले योजना कार्यान्वयन चरणमा सबै क्षेत्रले सहयोग गर्नुपर्नमा जोड दिनुभयो । रासस

 

LIVE TV