१४ बैशाख २०७३, मंगलवार

रत्ननगर (चितवन) । पश्चिम चितवनको नारायणी नगरपालिकामा बाबुले चलाएको ट्याक्टर दुर्घटना हुँदा छोराको ज्यान गएको छ । जिल्ला प्रहरी कार्यालय चितवनका अनुसार गएराति उक्त दुर्घटना हुँदा स्थानीय १४ वर्षका प्रशान्त पोखरेलको ज्यान गएको हो । ट्याक्टर दुर्घटना

पश्चिम चितवनको नारायणी नगरपालिका–१ स्थित जितपुरबाट पर्सा बजारतर्फ आउँदै गरेको ना४त ७१९१ नम्बरको ट्याक्टर सडकबाट करिब दुई मिटर तल खसेर दुर्घटना भएको हो ।

बाबु दीपक पोखरेलले चलाएको ट्याक्टरमा सवार छोरा प्रशान्त दुर्घटनामा परी गम्भीर घाइते भएका थिए । उनको उपचारका लागि भरतपुरतर्फ ल्याउने क्रममा ज्यान गएको प्रहरीले जनाएको छ । शवलाई अहिले भरतपुर अस्पतालमा राखिएको छ ।

LIVE TV