८ बैशाख २०७३, बुधबार

डिआइजीका रुपमा अवकाश पाएका चार प्रहरीले दुई वर्षको कानुनी लडाइँपछि एआइजीको दज्र्यानी पाएका छन् । यादव अधिकारी, परशुराम खत्री, विश्वराजसिंह शाही र सुशीलवरसिंह थापाले मंगलबार एआजी दज्र्यानी चिन्ह लगाएका छन् ।

Nepal_Police_117578684

मन्त्रिपरिषदको २०७१ साउन २९ को बैठकले रिक्त ७ पदमा २ विशेष पद बढाएर ९ डिर्आजीलाई एआइजी बनाउँदा यी चारै जना छुटेका थिए । आफूभन्दा तल्लो वरीयतामा रहेकालाई बढुवा गरेको भनदै चारै जनाले सर्वोच्च अदालतमा रिट दायर गरेका थिए । सर्वोच्चले उनीहरुकै पक्षमा फैसला गरेपनि सरकारले बढुवा नगर्दा त्यत्तिकै पदावधि सकिएको थियो । गृहले चारै जनाले अवकाश पाएको दाबी गरेपनि सर्वोच्चको फैसलामा अन्य ९ जनाको जुन मितिमा बढुवा भएको हो, उनीहहरुलाई समेत सोही मितिदेखि लागू हुने गरी रिक्त भए सोही दरबन्दीमा, नभए विशेष दरबन्दी बनाएर बढुवा गर्न आदेश दिएकाले कानुनी रुपमै चारैजना अवकाशपछि पनि प्रहरी संगठनकै सदस्य थिए ।

अदालतको आदेश पालना नगर्दा मानहानि लाग्ने भएपछि मन्त्रिपरिषदको २०७२ चैत २६ मा चारै जनालाई एआइजीमा बढुवा गर्ने निर्णय गरेको थियो । उनीहरुलाई महानिरीक्षक उपेन्ऽकान्त अर्यालले एआइजीको दज्र्यानी चिन्ह लगाइदिए । आजको नागरिक दैनिकमा खबर छ ।

LIVE TV