समाधिमा लीन भएको नौ दिनसम्म पनि सकुशल,रामानन्दाचार्यको समाधि रहस्यमय

समाधिमा लीन भएको नौ दिनसम्म पछि पनिसकुशल निस्किए कृष्णदास महाराज रामानन्दाचार्य, विज्ञानका लागि चुनौती बनेको रामानन्दाचार्यको समाधि रहस्यमय

भनिन्छ योगले विज्ञानले असम्भव ठह¥याएका अपत्यारिला कदमहरुलाई सम्भव तुल्याइदिन्छ । २१ औं शताब्दीको वैज्ञानिक युगमा पनि विज्ञानलाई चुनौती दिदै पोखरामा एक योगीले यो तथ्यलाई स्वीकार्न बाध्य बनाएका छन् ।

सेवापीठ चतराका संस्थापक संरक्षक सिद्धबाबा श्रीबैष्णव कृष्णदासजी महाराज रामान्दाचार्यले ९ दिने समाधि सफल पारेका छन । उनी पोखराको लक्ष्मीनारायण मन्दिर स्थित जगतगुरु श्री रामानन्दाचार्य सेवापीठ कार्यालयमा समाधिमा बसेका थिए । उनी ९ दिन अघि चैत्र २७ गते समाधिमा लीन भएका थिए । उनि चिकित्सा विज्ञानलाई नै चुनौती दिदै शुक्रबार करिव १० बजे समाधिबाट उठन सफल भएका हुन ।

समाधिका लागि बाहिर चारै तिरबाट प्लाष्टिकले बेरिएका ५ फिट लम्वाई र ३ फिट चौडाई भएको काठको बाकस जसमा ४ वटा ताल्चा लगाईएको थियो जसमा सिद्धबाबा समाधिमा बसेका थिए । सो बाकसलाई चारैतिरबाट बालुवाले पुरिएको थियो साथै बालुवामा रोपिएको जौ उम्रेर पहेलै जमरा बनेको थियो । उनि समाधि अवस्थाबाट जगतिक हुँने वेलामा जव बाकस खोलियो तव उनि मस्त निन्द्रामा सुतेजस्तो अवस्थामा देखिन्थे ।

समाधिमा लीन हुनु पुर्व गरिएको उनको स्वाथ्य जांचमा सवै कुरा सामान्य रहेकोे र समाधि पश्चातको स्वास्थ्य परीक्षणमा पनि उस्तै स्थिति रहेकोमा उनको समाधिलाइ नजिकबाट हेरेका चिकित्सकहरु समेत आश्चर्यमा परेका छन् । यसरी बिना खानपिन र बिना अक्सिजन समाधिमा जानु चुनौतीपूर्ण रहेको हुंदा अनुसन्धानको बिषय रहेको बताउँछन बरिष्ट मुटुरोग विशेषज्ञ डा नारायण गौतम ।

खानपीन बिना मानिस २१ दिन सम्म पनि बांच्न सक्ने बताउदै तर यसरि विना अक्सिजन नौ दिन सम्म सकुसल रहन सक्नु चिकित्सा विज्ञानका लागी अनुसन्धानको विषय भएको उनको भनाइ छ ।

कृष्णदासजी महाराज रामान्दाचार्यले पहिलो पटक २०६५ सालको रामनवमीमा पनि सुनसरीको चतराधामको भुमिमा पनि समाधिमा बसेका थिए । पोखराको रामघाट लक्ष्मीनारायण मन्दिर स्थित नरनारायण आश्रम परिसरमा रामनवमीको अवसर पारेर गरिएको यो कार्यले पक्कै पनि विज्ञानलाइ चुनौती त दिएकै छ नै यस्का साथै योगको शक्तिप्रति धेरैको विश्वास पनि जागेको छ ।