२३ चैत्र २०७२, मंगलवार

काठमाडौं- एकीकृत नेकपा(माओवादी)का अध्यक्ष पुष्पकमल दाहालले मुलुकमा देखा परेका समस्यालाई राष्ट्रिय एकता कायम गरेरै सामना गरिने बताउनुभएको छ ।

parchanda

पार्टी केन्द्रीय कार्यालय पेरिस डाँडामा नेपाल राष्ट्रिय दलित मुक्ति मोर्चाद्वारा आज आयोजित केन्द्रीय स्कुल तथा कार्यशालालाई सम्बोधन गर्दै उहाँले मुलुकको सार्वभौमसत्ता र अखण्डताको विषयमा अनावश्यक टीकाटिप्पणी गर्ने अधिकार कोही कसैसँग नभएको उल्लेख गर्दै भन्नुभयो ‘‘मुलुकमाथि आइपरेको आम चुनौतिको सामना गर्न हामीले राष्ट्रवादको झन्डा उठाइरहेका छाँैं, राष्ट्रियताका रक्षाका लागि एकताको जरुरी छ ।”

एक अर्को प्रसङ्गमा अध्यक्ष दाहालले कम्युनिष्ट आन्दोलनमा क्रान्तिको अन्ध नक्कल गर्ने खराब रोगका कारण समस्या पैदा भएको छ भन्दै अब समयानुकूल क्रान्तिको विकास गर्नुपर्नेमा जोड दिनुभयो ।

कार्यक्रममा मोर्चाका अध्यक्ष दलजित श्रीपालीले नयाँ संविधानमा संस्थागत अधिकारलाई व्यावहारिक रुपमा कार्यान्यवन गर्न मोर्चाले विशेष पहल गर्नुपर्ने बताउनुभयो । कार्यशालामा एमाओवादीका पोलिटब्युरो सदस्य विश्वभक्त दुलाल र एमाओवादीका सल्लाहकार रणेन्द्र बराइलीले नेपालको दलित आन्दोलन, वर्तमान र आगामी बाटाका बारेमा प्रशिक्षण दिनुभएको थियो । रासस

 

LIVE TV