सन्नी विरूद्ध पूजा मिश्राले १०० करोड क्षतिपूर्ति माग गर्दै मुद्धा

टिभी रियालिटी शो की पूर्व सहभागी पूजा मिश्राले अभिनेत्री सन्नी लियोनीविरूद्ध १०० करोड भारू बराबारको क्षतिपूर्ति दाबी गर्दै बम्बे उच्च अदालतमा मानहानीको मुद्धा दायर गरेकी छन्।

उनले अदालतसमक्ष इन्डियन पेनल कोड ५०० (मानहानी) र १२०(ख) (षडयन्त्र)को आरोप तय गर्न माग गरेकी छन्। उनले सन्नीको सो अन्तरवार्ताले सामाजिकरूपमा आफ्नो चरित्रहत्या एवम् मानहानी भएको दाबी गरेकी छन्। पूजाले ढिलो गरी बिग बोसमा सहभागी भएकी सन्नीले आफ्नो विरुद्ध मानहानी हुने गरी अन्तरवार्ता दिएको भन्ने आरोप लगाएकी छन्।