धारिलो हतियार प्रहार गरी हत्या गर्ने तीन जना पक्राउ

भद्रपुर, दुई साताअघि झापाको पृथ्वीनगर गाविस–६ का राजन मगरलाई धारिलो हतियारले प्रहार गरी हत्या गरेको आरोपमा प्रहरीले आज तीन जनालाई पक्राउ गरेको छ ।

पक्राउ पर्नेमा सुनिल किस्कु, नवीन गुरु र विवेक लिम्बू रहेको जिल्ला प्रहरी कार्यालय झापाले जनाएको छ । अभियुक्तहरु पृथ्वीनगरको चियाबगानमा मगरसहित १८ वर्षीय सञ्जय उराव र १९ वर्षीय सञ्जय लिम्बूलाई पनि आक्रमण गरी घाइते बनाई फरार भएका थिए । रासस