एसएलसी परीक्षाको तयारी पुरा-कुल ६ लाख १५ हजार विद्यार्थी सहभागी हुँदै

यसवर्षको एसएलसी परीक्षाको तयारी पुरा भएको परीक्षा नियन्त्रण कार्यालय भक्तपुरको भनाई, परीक्षा चैत १८ देखि २९ सम्म सञ्चालन हुने

यस वर्षको एसएलसी परीक्षा चैत १८ देखि २९ गतेसम्म हुँदैछ । परीक्षा नियन्त्रण कार्यालय भक्तपुरले परीक्षाको तयारी पूरा भएको जनाएको छ । परीक्षा बिहान ८ बजेदेखि ११ बजेसम्म हुनेछ ।

यो वर्षदेखि एसएलसी परीक्षाको नतिजा लेटर ग्रेडिङमा सार्वजनिक गरिने छ । तर परीक्षा संचालनको बिधि भने गएका वर्षहरुमा जस्तै हुनेछ । यसवर्ष एसएलसी परीक्षाका लागि देशभर १ हजार ४ सय ४३ परीक्षा केन्द्र निर्धारण गरिएको छ ।

जसमध्ये सबैभन्दा धेरै काठमाडौंमा ९५ केन्द्र छन् भने सबै भन्दा कम मनाङ् र मुस्ताङ्मा एक एक केन्द्र निर्धारण गरिएको छ । यो वर्ष एसएलसीमा कुल ६ लाख १५ हजार र प्राविधिक एसएलसी तर्फ तीन हजार दुई सय ५५ जना विद्यार्थी सहभागी हुँदैछन् ।