घोडा पिटेको भन्दै सभासद्लाई मुद्दा

भारतीय प्रहरीले सत्तारुढ पार्टीका एक राजनीतिज्ञविरुद्ध अनौठो मुद्दा दायर गरेको छ । अभियोग छ – प्रहरीको घोडामाथि आक्रमण ।

उत्तरी राज्य उत्तराखण्डमा भएको एक विरोधसभामा पहाडी सहर मसुरीका सभासद् गणेश जोशीले प्रहरीको घोडालाई लाठी हानेको भन्ने अभियोग रहेको छ ।
शक्तिमान नामक उक्त घोडामाथि त्यसरी आक्रमण गरिँदा धेरै चोट लागेको र एउटा खुट्टा काटिन सक्ने अवस्थासमेत रहेको प्रहरीको दाबी छ । सांसद् जोशीले राजनीतिक षड्यन्त्रका रुपमा आफूमाथि यस्तो अभियोग लगाइएको बताएका छन् । आजको कान्तिपुर दैनिकमा खबर छ ।