केरुङ नाका व्यवस्थित नभएसम्म तातोपानी नाका,प्रधानमन्त्रीको भ्रमणमा पारवहन सन्धीसंगै पेट्रोलियम आयत ब्यापार सम्झौता

काठमाडौँ, केरुङ नाका व्यवस्थित नभएसम्म तातोपानी नाका खोल्नु पर्ने चीनका पूर्वराजदूत टंक कार्कीको भनाई, प्रधानमन्त्रीको आग्रहपछि चीनले तातोपानी नाका खोल्ने विश्वास ।

चीनका लागि पूर्व नेपाली राजदुत टंक कार्कीले केरुङ नाका ब्यवस्थित नभएसम्म तातोपानी नाका खोल्नुपर्ने बताउनु भएको छ । चीनसंगको ब्यापार नियमित गर्न तातोपानी नाका खोल्नु अनिवार्य रहेको उहाँले बताउनुभयो ।

पूर्व राजदूत कार्कीले प्रधानमन्त्री केपी ओलीको चीन भ्रमणका बेला केरुङ नाका ब्यवस्थित नभएसम्म तातोपानी नाका खोल्न चीनिया नेतृत्वलाई आग्रह गर्नुपर्ने बताउनु भयो । नेपाललाई आवश्यक सामग्री आयात गर्न केरुङबाट सम्भव नभएकाले तातोपानी नाका खोल्नुपर्ने उहा“को भनाइृ छ । प्रधानमन्त्री ओलीको आग्रहपछि चीनले सहजरुपमा तातोपानी नाका खोल्ने कार्कीको विश्वास छ ।

प्रधानमन्त्रीको चीन भ्रमणका क्रममा पारवहन सन्धीसंगै पेट्रोलियम पदार्थ आयत गर्न ब्यापार सम्झौता गर्नुपर्ने कार्कीले बताउनुभयो ।