२९ फाल्गुन २०७२, शनिबार

झापामा आगामी चैत १९ गतेदेखि झापा गोल्डकप अन्तर्राष्ट्रिय आमन्त्रण फुटबल प्रतियोगिता हुने भएको छ ।

goldcup
झापा फुटबल संघको आयोजना तथा रमपम झापा–११ फुटबल क्लबको सहआयोजनामा आगामी चैत १९ देखि २७ गतेसम्म प्रतियोगिता हुन लागेको शनिबार पत्रकार सममेलन गरी जानकारी दिइएको हो ।

खेल झापाको विर्तामोडस्थित डोमलाल रंगशालामा हुनेछ ।

प्रतियोगितामा भारत, बंगलादेश, भुटान र श्रीलंकाका चार क्लबसहित नेपालका विभागीय टिम नेपाल पुलिस, त्रिभुवन आर्मी र सशस्त्र प्रहरीको एपीएफ क्लबले सहभागिता जनाउँदै छन् ।

यस्तै, प्रतियोगितामा ‘ए’ डिभिजन क्लबहरु मनाङ–मर्स्याङ्दी, थ्रीस्टार र आयोजक रमपम झापा–११ ले पनि सहभागिता जनाउँदै छन् ।

प्रतियोगिता विजेताले ६ लाख र उपविजेताले ३ लाख रुपैयाँ पुरस्कार प्राप्त गर्ने जनाइएको छ ।

 

प्रतिक्रिया दिनुहोस्

LIVE TV