डाक्टर मृत्यु भएको दुर्घटना छानबिन गर्न माग

त्रिभुवन विश्वविद्यालय शिक्षण अस्पतालमा एमडी गरिरहेको दुई चिकित्सकको ज्यान जाने गरी भएको सवारी दुर्घटनाको निष्पक्ष छानबिन गरी दोषीलाई कडा कारबाही गर्न मृतकका आफन्तले माग गरेका छन् ।

राजधानीमा सोमबार पत्रकार सम्मेलन गरी उनीहरुले यस्तो माग गरेका हुन् ।
गत साता विद्या संस्कार स्कुलको बसले किचेर चिकित्सक सन्दीप सुवेदी र सनि आनन्दको मृत्यु भएको हो । बसका चालकले लाइसेन्स लिएको नौ वर्षको अवधीमा २७ पटक कारबाही भोगेका कुरा बाहिर आइसकेको अवस्थामा उनले दुर्घटना नभई हत्या नै गरेको आफन्तको भनाई छ । आजको अन्नपूर्ण पोष्ट दैनिकमा खबर छ ।