१६ फाल्गुन २०७२, आईतवार

नेपालका प्रधानमन्त्री केपी शर्मा ओली ६ दिने भारत भ्रमण सकेर फर्किएको १ साता हुन लागेको छ ।

भारतीय प्रधानमन्त्री नरेन्द्र मोदीको निम्तोमा ६ दिने राजकीय भ्रमणमा नयाँदिल्ली पुगेका ओलीले दिल्लीमा दिएका कतिपय पोजहरु निक्कै चर्चित बनेका थिए ।

oli modi

नेपालीहरुले सामाजिक सञ्जालमा ओलीका विभिन्न पोजलाई लिएर विभिन्न जोक बनाएका थिए । ओली मोदीसँग नझुकेको बरु मोदी ओलीसँग झुकेको भन्दै कतिपयले मोदीको जोक पनि बनाएका थिए ।
नेपालमा मात्र नभएर ओली र मोदीका तस्विर भारतमै पनि जोक बनेका छन् । भारतको चर्चित जोक पेज रजनीकान्त भर्सेज सिआइडीको ट्वीटर पेजमा ओलीको पछाडी मोदी उभिएको तस्विरको जोक निक्कै चर्चित बनेको छ ।

ओलीले नेपाल भारतबीच भएका सम्झौता हस्ताक्षर गर्दै गरेको समयमा ओलीको पछाडि निरिह जस्तो देखिने मुद्रामा उपस्थित भएका मोदीको तस्विर भारतमा पनि भाइरल बनेको छ । कुनै चिया ल्याउने ब्यक्ति जस्तो देखिने मोदीको पोजलाई कतिपयले ओलीले मोदीको १२ कक्षाको कापी जाँचिरहेको भनेका छन् भने कतिपयले हाजिरी चेक गरेको भनेका छन् ।
त्यस्तै कतिपयले ओलीलाई शेरोंका शेर अर्थात सिंहका पनि सिंह समेत भनेको देखिन्छ ।

यता ६ दिन भारत भ्रमणको क्रममा प्रधानमन्त्री केपी ओली र भारतीय प्रधानमन्त्री नरेन्द्र मोदीबीच कुरा मिल्न नसकेपछि उपप्रधान एवं परराष्ट्रमन्त्री कमल थापा पुनः भारत जाने भएका छन् ।

 

प्रतिक्रिया दिनुहोस्

LIVE TV