कसैको दबाबमा राष्ट्रिय स्वतन्त्रतालाई दबाएर नराख्ने पुष्पकमल दाहालको दृढता

काठमाडौँ,एकीकृत नेकपा माओवादीका अध्यक्ष पुष्पकमल दाहालले प्रधानमन्त्री केपी शर्मा ओलीको भारत भ्रमणका क्रममा उहाँको भनाईलाई भारतीय प्रधानमन्त्री नरेन्द्र मोदीको भनाइले खण्डन गरेको बताउनु भएको छ । भारतले नेपालमा नाकाबन्दी गरेर अन्याय गरेको बताउँदै उहाँले कसैको दबाबमा राष्ट्रिय स्वतन्त्रतालाइ दबाएर नराख्ने दृढता पनि व्यक्त गर्नुभयो ।

एकीकृत माओवादीको काठमाण्डौ जिल्ला समितिद्वारा आयोजित ‘कार्यकर्ता प्रशिक्षण भेला’ लाइ सम्बोधन गर्दै अध्यक्ष दाहालले नेपालमाथिको भारतीय व्यवहारले सदैव शंकाको सुविधा दिएको वताउनुभयो ।

अध्यक्ष दाहालले तीनओटै पार्टी बीच छिट्टै एकीकरण हुने धारणा पनि दोहो¥यानु भयो । एकीकृत माओवादीलाई २ बर्षभित्र १ नंम्बर पार्टी बनाउने प्रतिबद्धता जनाउदै उहाँले अब आफु पार्टी पुननिर्माणतर्फ सक्रिय रुपमा लागेको बताउनुभयो ।

अध्यक्ष दाहालले संविधान जारी हुनुमा एकीकृत माओबादीको प्रमुख भुमिका रहेको र अबको पार्टीको भुमिका अझै महत्तवपुर्ण रहेको  बताउनुभयो । बाबुराम भटराईले पार्टीलाई धोका दिएको र भट्टराई राजद्रोही समेत भएको आरोप पनि अध्यक्ष दाहालले लगाउनुभयो ।