१० फाल्गुन २०७२, सोमबार

काठमाडौँ, काठमाडौँ सहरलाई थप हरियाली र सुन्दर बनाउन महानगरपालिकाले विभिन्न स्थानमा बोटबिरुवा रोप्ने काम गरिरहेको छ ।

अहिले प्रदर्शनीमार्ग, टुँडिखेल, सर्वोच्च अदालतको वरपर बिरुवा रोप्ने काम भइरहेको महानगरपालिकाको वातावरण व्यवस्थापन महाशाखा प्रमुख रविनमान श्रेष्ठले जानकारी बताउनुभयो ।
KTM LIGHT
उहाँका अनुसार सडकको पुनःनिर्माण भइरहेको स्थानमा बोटबिरुवा रोप्दा निकाल्नुपर्ने भएको हुँदा ती स्थानमा भने हाललाई बिरुवा रोपिने छैन । पुनःनिर्माण सकिएपछि ती स्थानमा पनि बोटबिरुवा रोप्ने तयारी रहेको छ ।

गत वर्ष मङ्सिरमा भएको सार्क सम्मेलनको समयमा पनि काठमाडौँ महानगरपालिकाले मात्र ७०० बिरुवा रोपेको थियो । तीमध्ये हाल ५०० मात्र बोटबिरुवा रहेको छ । केही समयपछि सुन्धारादेखि त्रिपुरेश्वर र त्रिपुरेश्वरदेखि कलङ्कीसम्म बिरुवा रोपिने तयारी रहेको छ । हाल सो स्थानमा सडक पुनःनिर्माणको काम भइरहेको महानगरले बताएको छ ।
KTM
तत्कालका लागि २०० वटा बिरुवा रोप्नुका साथै सार्क सम्मेलनको समयमा रोपेको बिरुवाको पनि संरक्षण गरिने बताइएको छ ।

गमला र बिरुवाको मूल्य हेर्ने हो भने एउटा बोटबिरुवा रोप्नका लागि रु पाँच हजार खर्च हुने महानगरले जनाएको छ । रासस

 

प्रतिक्रिया दिनुहोस्

LIVE TV