५ फाल्गुन २०७२, बुधबार

उपाधिको खडेरीले बाँझो रहेको नेपाली फुटबल मैदानमा गत महिना राहतको सिंचाई गरेको यो टोलीले अर्को महत्वपूर्ण अध्याय पनि थपेको छ , जस्ले गर्दा नेपाली फुटबल मैदान खुसीयाली फर्किएको छ । हरियाली छाएको छ ।

Kheladi-ko-lagi-baggi

म्याच फिक्सिङ र भ्रष्टाचार प्रकरणका कारण वदनाम बनेको नेपाली फुटबललाई त्यो बदनामीमा लामो समय डुब्न नदिइ खेलाडीहरुले नेपाली फुटबल जगतमा मडारिएको कालो बादल समेत हटाउन सफल भएका छन । यो चोट र वदनामीका बीच नेपाली खेलाडीले दिलाएको सफलता बास्तबमा नै चमत्कारिक छ नै ।
राम्रो खेल्ने तर जित्न नसक्ने छवि वनाएको नेपाली फुटबल टोलीले पछिल्ला दुई प्रतियोगिताबाट त्यो छविलाई पनि पखालेको छ , लागेका सबै दागहरु पनि हटाएको छ । नेपाली टोलीमा देखिएको फाइटिङ स्पिरिट भनौ लडाकुपनाको विकास यस्मा अझ थप्दा पछि परेको अवस्थालाई पनि उल्ट्याउन सक्ने क्षमताको विकास नेपाली टोलीमा भित्रिएको नयाँ गुण बनेको छ । खेलमा पछि परेपछि नर्भस बन्ने र गोल गर्न नसक्ने प्रवृति नेपाली टोलीको परम्परागत परिचय नै बनेको अवस्थामा त्यो शैलीलाई पनि यसपटक देखि नेपाली टोलीले विर्से झै देखिएको छ ।

प्रतिक्रिया दिनुहोस्
LIVE TV