सिरियाको चरमपन्थी आक्रमणमा परी ५० सिरियाली सैनीक सहित एक सय भन्दा बढीको ज्यान गयो

सिरियाको पूर्वी शहर दीर अल जुरमा भएको चरमपन्थी आक्रमणमा परी ५० सिरियाली शैनीक सहित एक सय भन्दा बढीको ज्यान गएको छ । सीरियन अब्जरभेटरी फर ह्युमन राईट्सका अनुसार सरकारको नियन्त्रणमा रहेको उक्त क्षेत्रमा ८५ जना सर्वसाधारण र ५० सीरियाली शैनीको ज्यान गएको छ ।

यद्यपी सीरियाको सरकारी सञ्चारमाध्यम सनाले भने आक्रमणमा कम्तिमा ३ सय जनाको ज्यान गएको दावी गरेको छ । आफुलाई चरमपन्थी समुह ईस्लामिक स्टेट बताउने समुहले सो क्षेत्रमा आक्रमण गरेको बताइएको छ । आक्रमणपछि सो क्षेत्रलाई चरमपन्थीहरुले आफ्नो नियन्त्रणमा लिएका छन् ।
यसैवीच, मानवीय मामीला समन्वय गर्ने संयुक्त राष्ट्रसंघको कार्यालय ओसीएचएका अनुसार सो क्षेत्रमा करिब दुई लाख नागरीक फसेको जनाएको छ । शनिबार मात्र इस्लामिक स्टेट आइएसले सो क्षेत्रमा आक्रमण सुरु गरेको थियो । त्यस समयमा एक कार बम विस्फोटपछि आक्रमण सुरु गरिएको थियो । त्यसपछि सरकारी सेनाले जवाफि कारबाहि स्वरुप हवाई हमला गरेको थियो । यसैवीच रुसले सो क्षेत्रमा फसेका नागरीकहरुको साहयताका लागि राहत सामग्री पठाएको बताएको छ । सीरियन अब्जरभेटरी फर ह्युमन राईट्सका अनुसार शहरको ६० प्रतिशत भुभाग आइएस्ले आफ्नो नियन्त्रणमा लिएको छ ।