हिउँले ढाकिए भूकम्पपीडितका टहरा

गोरखा । बाक्लो हिमपात भएपछि भूकम्पपीडितका टहरा भत्कन र पुरिन थालेका छन् । चिसोले जनजीवन कष्टकर मात्र बनेको छैन, कतिपय पीडित बाहिरसमेत निस्कन सकेका छैनन ।

भूकम्पबाट प्रभावित बारपाक, लाप्राक, गुम्दा, करौजा, उहिया र सिर्दिबाससहित उत्तरी क्षेत्रका अन्य सात गाविसमा शुक्रबार रातिबाट हिमपात भएको हो ।

टहरोमुनि बसेर पुसको कठ्याग्रिँदो जाडोमा छलिरहेका पाँच सय ९५ भूकम्पपीडितको जीवन हिमापतले थप कष्टकर बनेको छ ।

त्यस्तै हिमाली जिल्ला रसुवामा परेको भारी हिमपात भूकम्पपीडितका लागि अर्को पीडा बनेर आएको छ । उनीहरुलाई अब बाँचिने हो कि होइन भन्ने पीरले सताउन थालेको नेपाल समाचारपत्रमा खबर छ ।