बंगबन्धु गोल्डपकपमा नेपाल मलेशियाको फेल्डा युनाईटेडसंग गोलरहित बराबरीमा रोकियो

बंगलादेशमा शुक्रबारदेखि सुरु भएको बंगबन्धु गोल्डकप फुटवलमा नेपालको अण्डर ट्वान्टी थ्री राष्ट्रिय टोलीले मलेशियाको फेल्डा युनाईटेड क्लवसंग गोलरहित बराबरी खेल्दै अंक बाँडेको छ । राम्रो प्रदर्शन गर्ने तर गोल गर्न नसक्ने परम्परागत कमजोरीलाई नेपाली टोलीले यसपटक पनि दोहो¥यायो । प्रतियोगिताको समुह ए मा रहेको नेपालले समुह चरणको पहिलो खेलमा मलेशियन सुपर लिग क्लव फेल्डा युनाईटेडसंग गोलरहित बराबरी खेल्दै अंक बाँडेको हो । खेलमा नेपालको राम्रो प्रदर्शन गर्ने तर गोल गर्न नसक्ने पुरानै समस्या दोहोरियो ।

फेल्डाबिरुद्धको खेलमा नेपालको अग्रपंक्ति संहालेका बिमल घर्तीमगर, नवयुग श्रेष्ठ र अञ्जन विष्टले पाएका केहि अवसरहरु सदुपयोग गर्न सकेनन् । मलेशियाको फेल्डा युनाईटेड मलेशियन सुपर लिग फुटवलको पूर्व च्याम्पियन हो । सनु २०१५ को सिजनमा भने फेल्डा लिगको पाचौं स्थानमा रहेको थियो । नेपालले समुह चरणको अन्य दुई खेलमा श्रीलंका र आयोजक बंगलादेशसंग प्रतिष्पर्धा गर्नेछ । बंगलादेश र श्रीलंकाले राष्ट्रिय टोलीलाई समावेश गराएको छ । यसअघि शुक्रबार भएको समुह ए को पहिलो खेलमा आयोजक बंगलादेशले श्रीलंकालाई चार दुई गोलले हराएको थियो । नेपालले समुहको दोस्रो खेलमा सोमबार श्रीलंकाबिरुद्ध प्रतिस्पर्धा गर्नेछ । बंगबन्धु गोल्डकपमा नेपालको सहभागिता एक महिनापछि भारतमा हुने १२ औं सागगेम्सको तयारीको रुपमा लिइएको छ । साग गेम्समा नेपालको २३ बर्ष मुनिको टोली सहभागी हुनेछ ।