सूचनाको हक कायान्वयन गर्न गराउन नेपाल सरकारका विशिष्ट श्रेणीका अधिकृतहरुलाई निर्देशन

राष्ट्रिय सूचना आयोगले नेपालको संविधानको मौलिक हकको रुपमा रहेको जनताले सुसूचित हुन पाउनुपर्ने सूचनाको हक कायान्वयन गर्न गराउन नेपाल सरकारका विशिष्ट श्रेणीका अधिकृतहरुलाई निर्देशन दिएको छ ।

आयोगले मंगलवार राजधानीमा नेपाल सरकारका सचिव एवंम विशिष्ट श्रेणीका अधिकृतहरुसँग अन्तक्रिया गरि सूचनाको हक कार्यान्वयन गर्न गराउन निर्देशन गरेको हो । सूचना पाउने सवै नागरिकका मौलिक अधिकार भएको र कुनै पनि सूचना दिँदा कञ्जुस्याई नगर्न आयोगका प्रमुख आयुक्त कृष्णहरि वास्कोटाले आग्रह गर्नुभयो । देशको अखण्डता,सार्वभौमसत्ता, गोपनियतामा आँच आउने खालका सूचना दिन नमिल्ने भए सूचना माग्नेलाई चित्तवुझ्दो कारण दिनुपर्ने उहाँले स्पष्ट पार्नुभयो । साथै आयोगले प्रत्येक मन्त्रालय, विभाग, कार्यालयमा सूचना अधिकारी तोकी सोको जानकारी सवैलाई देख्ने गरिराख्न निर्देशन दिएको छ । आयोगले दुई दिन पहिले मात्रै विर्वाचन आयोगमा दर्ता भएका सवै राजनीतिक दलहरुलाई सूचनाको हक कार्यान्वयन गर्न निर्देशन दिएको थियो ।