१४ पुष २०७२, मंगलवार

काठमाडौं । सरकारले पाँच सचिवको दरबन्दी थप गरेको छ । संगठनात्मक र व्यवस्थापन सर्भेबिनै सरकारले सचिवको दरबन्दी थप गरेको हो । अब सचिव पदको दरबन्दी ६५ पुगेको छ ।

चार मन्त्रालय थपिएसँगै सचिवको दरबन्दी पनि थपिएको हो । नयाँ मन्त्रालय बनाउनुअघि अनिवार्य रुपमा संगठनात्मक र व्यवस्थापन (ओ एन्ड एम) सर्भे गर्नुपर्ने प्रावधान छ । सर्भेबिनै नयाँ मन्त्रालय थपेको सरकारले सचिव दरबन्दी थप्दा पनि नियम मिचेको नयाँ पत्रिकामा खबर छ ।

नयाँ थपिएका मन्त्रालयहरु खानेपानी तथा सरसफाइ, पशु विकास, वाणिज्य, जनसंख्या तथा वातावरण र राष्ट्रिय पुनर्निर्माण प्राधिकरणका लागि पाँच सचिव दरबन्दी थप गरिएको हो । मन्त्रालय र सचिव पद सिर्जना गरेपछि मात्र सरकारले ‘ओ एन्ड एम सर्भे’ गर्न सोमबार उच्चस्तरीय कार्यदल गठन गरिएको छ ।

 

प्रतिक्रिया दिनुहोस्
LIVE TV