दाङ काठमाडौं रुटका लागि सुविधा सम्पन्न वस सेवा आरम्भ

राप्ती अञ्चलको सबै भन्दा पुरानो वस सेवा राप्ती सार्वजनिक यातायात व्यवसायी समितिले दाङ्गले दाङ्ग काठमाडौका लागि सुविधा सम्पन्न ‘राप्ती एसी’ बस सेवा सञ्चालनमा ल्याएको छ । सएयर कण्डिसन सेवा सहितको ‘राप्ती एसी’ अत्याधुनिक बस सेवा सञ्चालनमा ल्याएको हो । बिहीबार एसी गाडीको एक कार्यक्रमका बीच उदघाटन तथा सेवा आरम्भ समेत गरिएको छ । एक वर्ष अघिको घोषणलाई आफुहरुले पूर्णता दिएको बताउदै समितिका अध्यक्ष सुरेश हमालले नाकाबन्दीले केहि समय पछि धकेले पनि नागरिकहरुलाई गुणस्तरीय सेवा दिन सफल भएको बताउनु भयो । राप्ती अञ्चलमा विभिन्न यातायात प्रालिहरुले आधुनिक डिलक्स र एसी बस सेवा सञ्चालन गरिरहदा पुरानो समितिले यसको सेवा आरम्भ गरेको हो । सामान्य गाडी भन्दा वढि सुविधा सम्पन्न र यात्रुउपयोगी सेवा दिन एसी बस सुरु गरिएको अध्यक्ष हमालले वताउनुभयो । उहाँले वसमा पत्रिका, पानी, एसी, खानामा गुणस्तर, वाइफाई सेवा, एलइडी सेवा, कुलर, पङखाको सेवा भएको जानकारी दिनुभयो । बसमा यात्रा गर्ने यात्रुले समेत समितिको नयाँ सेवाको स्वागत गरेका छन ।गाडीमा ३७ सिट रहेका र सिट क्षमता सरह नै यात्रु राखिने बताइएको छ । यो संगै यात्रुहरुलाई खानाका लागि गुणस्तरीय होटेलहरुमा निश्चित स्थानमा मात्रै खुवाउने पनि समितिले जनाएको छ । हाललाई ६ वटा एसी बसवाट सेवा सुरु गरेको भए पनि आबश्यकता अनुसार यसलाई बढाइने समितिले जनाएको छ ।