स्पेनको चुनावमा सत्तारुढ कन्जरभेटिभ पार्टी वहुमत ल्याउन विफल

स्पेनमा भएको आम चुनावमा देशको सत्तारुढ कन्जरभेटिभ पार्टीले अधिकांश स्थानमा विजय हासिल गरेपनि बहुमत ल्याउन विफल भएको छ । अब उक्त दलले गठवन्धन बनाएर अघि बढ्नुपर्ने भएको छ । अधिकांश मतगणना सकिंदासम्म पपुलर पार्टीले १२३ सीट, सोसलिस्टहरुले ९० सीट र मितव्ययिता विरोधी पोदेमोस पार्टीले ६९ सीट ल्याएको छ । उदारवादी सीउदा दानोस पार्टीले ४० सीट ल्याएर चौथो स्थान हासिल गरेको छ । मतदाताहरुमाझ रहेको असन्तुष्टिका बीच पोदेमोस र सीउदा दानोस पार्टीहरुले पहिलोपटक राष्ट्रियस्तरका उम्मेदवार उठाएका थिए । स्पेनमा विगत तीन दशकभन्दा बढी समयदेखि पपुलर पार्टी र समाजवादी पार्टीले पालैपालो सरकार चलाउँदै आएका थिए । कसैको पनि स्पष्ट बहुमत नआएपछि पोदेमोस पार्टीकी एक प्रवक्ताले स्पेनमा अब दुई पार्टीमा मात्र केन्द्रित राजनीति सकिएको बताइन् । चुनावमा ७२ प्रतिशत मतदाताले भाग लिएको बताइएको छ । पछिल्लो संसदमा १८६ सिट रहेको प्रधानमन्त्री मारियानो राहोएको पपुलर पार्टीलाई स्पष्ट बहुमत हासिल गर्न १७६ सीट आवश्यक थियो । मितव्ययीताविरोधी पोदेमोस पार्टीले २० प्रतिशत स्थानमा विजय हासिल गरेको छ । अब, पपुलर पार्टीलाई सरकार बनाउन मुस्किल हुने बिश्लेषण गरिएको छ ।

ः